Suai-Média Prokuradoria Jerál Repúblika tersa feira (30/01/2018), haforsa tan kooperasaun servisu ho Prokuradoria Distritál Suai hodi habelar informasaun ba komunidade sira iha Munisípiu Suai tanba komunidade barak mak seidauk koñese didi’ak konba-ba Papél Ministériu Públiku nian.

Planu média Prokuradoria Jerál Repúblika nian ne’ebé atu divulga atividade no informasaun sira hosi Prokuradoria Distritál Suai, ami konkorda tebes atu realiza, planu ne’ebé imi iha importante tebes atu realiza, hosi ami PDS aseita no kolabora hodi fornese informasaun sira ne’ebé iha ba ita boot sira atu bele hariku liu tan informasaun sira ne’ebé  fó sai iha website MP nia, hatete Prokuradór Repúblika Distritál Suai, Matias Soares.

Iha fatin hanesan, Prokuradór Repúblika, Napolião da Silva Soares, hatete”  kooperasaun ida ne’e importante tebes hodi divulga informasaun, tenki divulga mós papál Ministériu Públiku (MP) ba sosiadade razaun tamba sosiadade seidauk iha koñesimentu kona-ba knar Ministériu Públiku nian, dehan Prokuradór Repúblika, hafoin dada lia ho ekipa Média Prokuradoria Jerál Repúblika nian.

Iha sorumutuk ne’e, ekipa média Prokuradoria Jerál Repúblika nian mos informa ba Prokuradór Repúblika Distritál Suai konaba planu no objetivu importante hosi kooperasaun refere,”ami nia objetivu mai ne’e, hodi koalia ho Prokuradór Distritál Suai, Ofisiál justisa ho IT hodi haforsa fila fali kooperasaun servisu entre Nasionál no Distritál liu-liu iha parte dezanina informasaun ba atividade sira iha Prokuradoria Distritál Suai liu hosi Website ho revista MP nian kona-ba Informsaun sira hanesan, violénsia doméstika, violasaun seksuál, omesidu, korrupsaun no krime ne’ebé mak inbolve autoridade no liderasan nasaun nian nune’e mos atividade sosiál sira hanesan formasaun no sira seluk tan, hatete ofisiál média Mariano da Conceição. (Média PGR/ Ekipa Média)