Dili-Sesta-feira (09/02/2018) foin lalais, Prokuradór Jerál Repúblika (PJR), José da Costa Ximenes fó tomada-de-posse ba Sekretária Prokuradoria Distritál Dili (PDD), Carlos António da Costa ho Sekretária Prokuradoria Distritál Baukau (PDB), Ricardina da Costa Ximenes hodi asumi kargu sekretáriua durante tinan ida hodi fó apoiu ba servisu sira Prokuradór Distritál nian.
“Konforme enkontru ne’ebé hala’o iha loron 19 fulan Janeiru tinan 2018, no mos iha semana ida tuir mai rezultadu mak nomeia sira nain rua hodi subtitui kargu ida sekretaria ba PDD ho PDB, nune’e mos diskusaun hodi nomeia sekretáriu ba Konsellu Superiór Ministériu Públiku (KSMP) nian la konsege simu posse iha biban ne’e tanba, ita iha vaga planu osamentál laiha no ida ne’e la depende ba situasaun Prokuradoria Jerál de’it maibé afeita ba setór hot-hotu tanba orsamentu jerál ne’ebé seidauk aprova”, hatete Prokuradór Jerál Repúblika liu hosi nia diskursu.
Prokuradór Jerál Repúblika husu ba emposadu nain rua atu servisu hamutuk ho Prokuradór Distritál ida-ida “ita boot nain rua, Sr. Carlos António da Costa, uluk iha Baukau ema ladun barak hanesan iha Dili, tanba ne hau husu atu servisu hamutuk ho Dr Alfonso Lopes hodi suporta mos majistradu sira iha PDD, konfiansa ida ne’e laos mai hosi Prokuradór Jerál, maibé konfiansa ida ne’e mai hosi KSMP, tanba ne’e tenke hatudu katak ita boot merese duni, ida ne’e mak todan, laos tanba ami gosta ita boot mak promove lae, maibé ami haré katak ita boot iha kapasidade tanba jere ona PDB lao ho diak, signifika katak iha PDD mos ita boot bele ajuda, Dr. Alfonso Lopes ho klga sira seluk” .
Ho liafuan hanesan Prokuradór Jerál Repúblika kasu lia mos ba emaposada PDB nian, hau hatene kareira ne’e foun ba ita boot tanba ne’e hsu hasu atu susesu iha ita boot nain rua nia kareira, ita hotu ne’ebé iha ne’e husu atu reforsa ba malu nafatin, kargu ne’e imi okupa ne hanesan misaun ida, tanba ne’e jere ho diak, tanba misaun ne’e laos permanente sei troka malu, buat hotu hanesan komisaun servisu, hatudu nafatin katak ita boot sira iha kapasidade, halo historia diak iha imi nia kareira ne’e, atu ikus mai husik hela imi nia misaun ne’e kolega seluk bele konta ita nia diak, tenik hikas Prokuradór Jerál Repúblika.
Iha okaziauan ne’e mos Prokuradór Jerál Repúblika akresenta tan “iha tinan ida ne’e KSMP aprova tiha ona planu inspeksaun ba ofisiál justisa sira ne’ebé asume responsabilidade hanesan ofisiál delijensia ita promove ba adjuntu eskrivaun, nune’e mos sira ne’eb’e prense ona adjuntu eskrivaun bele promove ba eskrivaun de-direitu”, hatete Prokuradór Jerál.
Entertantu tuir Prokuraór Jerál katak, iha tinan ida ne’ sei iha tan rekrutamentu ba ofisiál jusitisa, tanba tinan oin MP sei simu tan majistradu foun hosi sentru formasaun jurídiku, “servisu tekníka administrasaun halo ona planu rekrutamentu ba ofisiál justisa sira, tanba tinan oin ita atu simu tan majistradu foun” tenik Prokurad’or Jerál Repúblika.
Prokuradór Jerál subliña tan katak “MP dezenvolve diak liu kompara ho tribunál, tanba tratamentu ba ita nia kuadru jerál ho espesiál ita buka atu vigora sira nia direitu baziku, ohin ita halo seremónia tomada-de-pose ba sira hodi halo komprimisu de-onra para atu servisu, maibé hau halo mos ida ne’e bebeik ba kareira jerál sira.
Prokuradór Jerál Repúblika aproveita mos okajiaun ne’e hodi informa mos kona-ba prolonga kargu xefia no diretór sira nian “aproveita ho membru KSMP nia presenza iha ne’e atu informa tan katak, ita prolonga tan ita nia funsionáriu nain lima ba kargu xefia no diretór to’o loron 30 fulan-abril tinan-2018, lolos ne’e sira nia mandatu hotu iha loron 1 fulan-outubru, hau bolu mos komisaun funsaun públiku, ami diskuti ona iha fulan kotuk, ho presenza Adjunta Prokuradór Jerál Repúublika, Xefe Gabinete, Diretora Jerál, buat ne’ebe ami la hakarak mak instituisaun ne’e nia xefia no diretór mai hosi instituisaun seluk, razaun simples tamba sira iha koñesementu klean kona-ba situasuan iha MP” .
Prokuradór Jerál Repúblika reafirma tan katak “kargu ami foti konkluzaun katak, xefia no diretór laos mai hosi liur maibé ami halo rekrutamentu hosi laran det, ida ne’e atu dehan deit katak, fó ba ita bot kaudru sira MP nian, servisu apoiu tekníku administrativu ka sata, rejimi jerál nomos ofisiál justisa atu halo kompetisaun dentru-de ita bo’ot sira nia uma laran, ida ne’ebé promove ne’e laos tanba família maibé tanba nia iha kapasidade.
Iha fatin hanesan emposdu nain rua mos promote liu hosi sira nia juramentu katak “ ohin ami simu tomada-de-posse hodi hala’o ami nia knar ne’e ami sei toma responsabilidade tomak, ami promote sei dignifika naran di’ak Ministériu Públiku nia ba Publiku.
Partisipa iha seremónia tomada-de-posse ne’e mai hosi, Adjunta ProkuradórJerál Repúblika, Zélia Trindade, Adjuntu komisáriu KAK aktuál Membru KSMP, Rui Pereira, Prokuradora Distritál Baukau, Ivonia Guteres, Prokuradór Distritál Díli, Alfonso Lopes, Diretora Jerál, Ana Maria Pereira Carvalho, sekretária KSMP, Paulina de Araújo ho diretór nasionál, xefe departamentu, funsionáriu no ofisiál justisa MP nian. (Media MP/Mariano da Conceição).