Díli – Prokuradória Distritál Díli, Baukau, Oekusi Sai Painelista ba konferénsia ne’ebé hala’o husi PNTL ho Tema investigasaun kriminál ‘’Uniformiza Setór Justisa no Aplikasaun Lei iha Timor-Leste ho foku ba krime Transnasionál’, kuarta 30/05/2018 salaun sentru formasaun João Paulo II, Comoro.
Prokuradór Distritál Díli, Dr. Alfonso Lopes esplika kona-ba Lei sira hodi uza ba halo investigasaun atu nune’e tuir loos baze legal sira iha ona Lei kodigu Penál, Presesu Penál, Kodigu Prosesu Civil, tenki tuir no obdese ba Lei. Haktuir Dr. Alfonso, ba Ajente PNTL ne’ebé mak partisipa iha koferénsia ne’e.
Nune’e mós Dr. Alfonso dehan, Autoridade judisiáriu iha de’it rua Tribunál no Ministériu Públiku, iha poder tomak atu haruka Polisia sientifiku investigsaun kriminál (PSIC) sira atu hala’o atuasaun ba krime saida de’it, iha kompetensia haruka maibe iha responsabilidade ida ke bo’ot, polisia ezekuta hanesan polisia zeneriku prontu atu servi no kolabora prontu ba halo atuasaun.
Husi konférensia ida ne’e mós Prokuradór Repúblika ne’e hato’o, tenki hadia servisu kooperasaun entre PNTL ho Prokuradoria sira atu nune’e bele garante servisu sira, iha tristeza maibe komesa mellora servisu investigasaun sira nian no sai formandu tenki komesa esforsu servisu ne’ebé iha ho di’ak.
Iha parte seluk Prokuradór Distritál Baukau, Dr. Luis Hernâni Rangel da Cruz, hato’o mos iha konferensia ne’e katak faze importante atu investiga tenki iha buat tolu primeiru konseitu krime, Prosesu inkeritu no Meius de Provas. ida ne’e mak importante tebes atu halo investigasaun.
Ho tipu hira ne’e oinsa atu halo investigasaun, ho ida ne’e prosesu hotu tenki hatene uluk konseitu krime nune’e fasil atu halo investigasaun,.
“invetigasaun tenki tuir Lei, exemplu bainhira droga ida tama mai, hanesan investigador saida mak atu halo uluk tenki iha provas inesiál hodi bele halo investigasaun. Sai investigadór tenki defende de’it lei” tenik prokuradór Hernani.
Koférensia ne’e hetan partisipasaun husi Prokuradór Distritál Díli, Dr. Alfonso Lopes, Prokuradór Distritál Baukau, Dr. Luis Hernâni Rangel da Cruz, Prokurador Distritál Oekusse Dr. Mateus Nessi, sai Painelista ba koférensia ne’ebé orgamiza husi PNTL.Partisipa maksinu husi Polisia Investigasaun. (Media PGR/Luis Soares)