Prokuradoria Repúblika Primeira Instánsia Baucau

Prokuradoria Repúblika Primeira Instánsia Baucau nu’udar órgaun Ministériu Públiku, ho sede iha munisípiu Baucau, ne’ebé kompete atu dirije, kordena no superviziona atividade Ministériu Públiku iha Distritu Judisiál Baucau, no nia área atu hala’o knaar mak munisípiu sira Baucau, Lautém, Manatuto no Viqueque.

Prokuradora Distritál, Ivónia Maria da Costa Guterres, mak dirije.

  1. Haree kurríkulu hosi Ivónia Maria da Costa Guterres, Prokuradora Primeira Instánsia Baucau nian

    Ivónia Maria da Costa Guterres moris iha Ossu, Munisípiu Viqueque, iha loron-12, fulan-jullu, tinan-1973. Iha tinan-1992, hetan lisensiatura iha Direitu hosi Universidade Katólica Soejipranata Semarang, Java, Indonézia.

    Iha períodu Administrasaun Tranzitória Nasoins Unidas iha Timor-Leste (akrónimo hosi inglés, UNTAET) nia hetan kolokasaun hanesan juíza iha Baucau no, hosi 2003 to’o 2005, nia okupa kargu Juíza Administradora Tribunal Distritál Baucau nian.

    Tama iha Kursu da-I Formasaun ba Majistradu no Defensor Públiku sira, ne’ebé hala’o hosi Sentru Formasaun Jurídika, hahú iha tinan-2005. Hosi tinan-2006 to’o 2007, hetan kolokasaun iha Prokuradoria Repúblika Distritál Dili nu’udar estajiária to’o, iha tinan-2007, simu pose nu’udar Prokuradora Repúblika.

    Hosi tinan-2006 to’o tinan-2010, nia mós hanesan membru Konsellu Superiór Ministériu Públiku nian, hili hosi majistradu sira Ministériu Públiku nian.

    Hahú iha tinan-2009, nia sai hanesan Kuradora ba Menór iha Prokuradoria Repúblika Distritál Dili, aleinde mós sai nu’udar membro ba Konsellu Konsultivu Direitu Labarik sira-nian iha Timor-Leste.

    Iha loron-20, fulan-setembru, tinan-2017, Ivónia Maria da Costa Guterres simu posse nu’udar Prokuradora Primeira Instánsial Baukau nian.

KONTATU:

Prokuradoria Repúblika Primeira Instánsia Baucau

Rua Tirilolo, Vila Nova – Baucau

Telefone: (+670) 413-0030

 

 

 

 

 

Prokuradoria Repúblika Distritu Viqueque

Rua Aldeia Siralari, Suku Karau Balun – Viqueque

Telefone: (+670) 433-0079