Prokuradoria Repúblika Distritál Dili

Prokuradoria Repúblika Distritál Dili nu’udar órgaun Ministériu Públiku, ho sede iha munisípiu Dili, ne’ebé kompete atu dirije, kordena no superviziona atividade Ministériu Públiku iha Distritu Judisiál Dili, no nia área atu hala’o knaar mak munisípiu Aileu, Dili, Liquiçá no Ermera.

Prokuradór Distritál Dili, Alfonso Lopez, mak dirije.

  1. Haree kurríkulu hosi Alfonso Lopez, Prokuradór Distritál Dili nian

    Alfonso Lopez moris iha Lospalos, munisípiu Lautém, iha loron -22, fulan-jullu, tinan-1968. Hetan Lisensiatura iha Direitu hosi Universidade Katólika Atmajaya, iha Jogyakarta, Indonézia, iha tinan-1999.

    Fila mai Timor-Leste, iha períodu Administrasaun Tranzitória Nasoins Unidas iha Timor-Leste (akrónimu hosi inglés, UNTAET), servisu tiha iha Unidade ba Disputa Rai hosi Diresaun Terra no Propriedade entre 2000 no 2001, tuirmai sai tiha nu’udar Diretór ba Polítika sira ba Rai no Informasaun Komunitária, kargu ne’ebé nia okupa tiha to’o fulan-maiu, tinan-2002.

    Hahú hosi fulan-Agostu 2002, no iha tinan tolu tuirmai, sai tiha nu’udar Diretór Diresaun Nasionál ba Asesoria Jurídika no Lejislasaun Ministériu Justisa nian, no lidera mós komisaun mista ba aprezentasaun projetu lei sira ba Kódigu Penál no ba Kódigu Prosesu Penál.

    Tama tiha iha Kursu Formasaun ba Majistradu no Defensór Públiku sira, ne’ebé hala’o hosi Sentru Formasaun Jurídika, iha filan-janeiru, tinan-2006, no tuir mai halao estájiu iha Prokuradoria Distritál Dili. Hetan pose hanesan Prokuradór Repúblika iha fulan-marsu, tinan-2009, hodi hala’o servisu iha Prokuradoria Distritál Suai nian.

    Alfonso Lopez hetan nomeasaun nu’udar Prokuradór Distritál Oecusse iha fulan-Junho 2010, kargu ne’ebé nia okupa to’o, iha fulan-agostu 2014, sai tiha nu’udar Prokuradór Distritál Baucau.

    Iha loron-20, fulan-setembru, tinan-2017, Alfonso Lopez simu posse nu’udar Prokuradór Distritál Dili nian.

KONTATU:

Prokuradoria Repúblika Distritál Dili

Rua Matadouro, Balide Vera Cruz – Dili

Telefone: (+670) 331-1285

 

 

 

 

 

 

 

Prokuradoria Repúblika Distritu Ermera

Rua Quiri-Sabulai, Fatuquero Railako – Ermera

Telemóvel: (+670) 7801-1145