Prokuradoria Repúblika Distritál Suai

Prokuradoria Repúblika Distritál Suai nu’udar órgaun Ministériu Públiku, ho sede iha munisípiu Covalima, ne’ebé kompete atu dirije, kordena no superviziona atividade Ministériu Públiku iha Distritu Judisiál Suai, ne’ebé nia área hala’o knaar mak munisípiu sira Ainaro, Bobonaro, Covalima no Manufahi.

Prokuradór Distritál Suai, Matias Soares, mak dirije.

  1. Haree kurríkulu hosi Matias Soares, Prokuradór Distritál Suai nian

    Matias Soares moris iha munisípiu Viqueque iha loron-6, fulan-novembru, tinan-1975. Hasai lisensiatura iha Direitu hosi Universidade Sebelas Maret, iha Solo, Java Sentrál, Indonézia, iha fulan-fevereiru 2001, momentu ne’ebé nia fila hikas mai Timor-Leste hodi sai nu’udar membru ba ekipa edukasaun sívika ba Administrasaun Tranzitória Nasoins Unidas iha Timor-Leste (akrónimu hosi inglés, UNTAET). Sai nu’udar Prokuradór Estajiáriu ba Unidade Krime Grave Prokuradoria Públika nian hosi tinan 2002 to’o 2004, períodu ne’ebé nia partisipa tiha iha asaun asaun barabarak formasaun nian, liuliu iha área sira direitu umanu no investigasaun to’o, iha tinan 2004, hetan transferénsia ba Prokuradoria Distritál Dili.

    Hosi tinan 2003 to’o tinan 2013, hala’o mós funsaun sira iha área edukasaun, servisu nu’udar dosente iha Fakuldade Direitu ba Universidade Orientál Timor Lorosa’e (UNITAL), iha Dili, ne’ebé sai tiha mós xefe ba Fakuldade Diereitu hosi 2008 to’o 2011. Tuirmai, sai tiha nu’udar Vise-Reitór I iha instituisaun hanesan, kargu ne’ebé nia okupa hosi tinan-2012 to’o 2013. Nia mós hanesan dosente iha Fakuldade Direitu ba Universidade Dili (UNDIL) nian, hosi tinan-2006 to’o tinan 2010.

    Entre tinan-2007 no tinan-2011, serve tiha misaun Nasoins Unidas iha funsaun oioin, inkluzive nu’udar jurista iha Unidade Investigasaun ba Krime Grave sira.

    Iha tinan-2012, nia tama iha Kursu da-IV ba Majistradu no Defensór Públiku sira, hodi simu tiha pose nu’udar Prokuradór Repúblika iha fulan-maiu 2014, hetan kolokasaun iha Prokuradoria Repúblika Distritu Ermera nian. Matias Soares simu pose nu’udar Prokuradór Distritál Suai iha fulan-janeiru, tinan-2016.

KONTATU:

Prokuradoria Repúblika Distritál Suai

Rua Santa Rosa, Debos – Suai, Covalima

Telefone: (+670) 223-0027

 

 

 

 

 

 

 

Prokuradoria Repúblika Distritu Bobonaro

Rua Holsa – Maliana, Bobonaro

Telefone: (+670) 233-0391