Kurríkulu

BIOGRAFIA

Dr. Nelson de Carvalho, moris iha Dili iha loron-25, fulan-janeiru, tinan-1969, Estadu Sivíl Kabenain ho nasionalidade timoroan no rezidénsia atuál iha Aldeia 03, Suku Maskarenhas, Postu Administrativu Vera-Cruz, Munisípiu Dili.

    Dr. Nelson nia formasaun akadémika hahú nia Primária iha SD Negeri I Dili, iha tinan-1979 no remata iha tinan-1984, nune’e kontinua nia Pre-Sekundária iha SMP Negeri  I Dili, iha tinan-1984 to’o tinan-1987, nune’e kontinua iha tinan-1987, tama Sekundária iha eskola SMA Negeri II Dili no remata iha tinan-1990. Hafoin termina tiha ne’e, Dr. Nelson kontinua nia estudu Lisensiatura iha Fakuldade Direitu iha Universidade 17, Agustus-(UNTAG) Surabaya, iha tinan-1993 to’o tinan-1998.

 

Durante iha tinan-2000, Dr. Nelson hahú envolve iha Formasaun Profisionál sira hanesan:

  1. Iha tinan-2000, tuir formasaun ba Kandidatu Majistradu no Defensór Públiku, iha Darwin, Australia, Durante semana rua;
  2. Formasaun estudu komparativu iha Sentru Formasaun Judisiáriu Lisboa, Portugal, durante fulan rua, iha tinan-2000;
  3. Formasaun rekezitu notáriadu husi Ministériu Justisa, iha Sentru Formasaun Judisiáriu, durante loron 77 (hitunulu-resin-hitu) iha tinan-2007;
  4. Formasaun ba Majistradu no Defensoria Públiku, iha Sentru Formasaun Jurídika no Judisiária, Dili, hahú husi fulan-Agostu, tinan-2008 to’o fulan-Abril, tinan-2011;
  5. 50 kursu formasaun ba investigasaun nivél 10 iha Akademia Polísia Comoro, Dili, iha loron-23, fulan-Janeiru to’o fulan-Abril, tinan-2012;
  6. Formasaun “Basic Trial Advocacy Training’’, iha Ótel Ramelau-Dili, Loron-18 to’o loron-22, fulan-Marsu, tinan-2013, no organiza husi the United States Departament of Justice Office of Overseas Prosecutorial Development, Assistance and Training(OPDAT);
  7. Formasaun “Counter Narcotics Training’’, iha Ótel Ramelau-Dili, iha loron-21 to’o Loron-23, fulan-Agostu, tinan-2013, organiza husi The United States Departament of Justice Office of Overseas Prosecutorial Development, Assistance  and Training (OPDAT);
  8. Formasaun kona-ba “Criminal Financial Investigation-tracking, seizure and recovery of financial assest from criminal origin’’ iha Ótel Plaza-Dili, iha loron-26 to’o 30, fulan- 0utubru, tinan-2015, entre Ministériu Públiku Timor-Leste ho Financial Transaction Reports And Analysis Center (PPATK-Indonezia);
  9. Formasaun kona-ba “Anti-Corruption and Financial Investigations: Money Laundering and Asset Forfeiture, iha Tower Fatuhada, Dili, loron-13-15, fulan-Maiu, tinan- 2019, ne’ebé organiza husi The United States Departament of Justice ofice of Overseas Prosecutorial Development, Assistance and Training (OPDAT); no
  10. Formasaun kona-ba “Building Task Forces and Succesfull Proactive investigation” iha Tower Fatuhada, Dili, loron-15-18, fulan-Jullu, tinan-2019, organiza husi The United States Departament of Justice office of Overseas Prosecutorial Development, Assistance and Training (OPDAT);
  11. Nune’e mós iha loron-15-26, fulan-Agostu, tinan-2019, Dr. Nelson reprezenta Ministériu Públiku hodi tuir estudu komparativu ka Study tour for Timor-Leste judges and Prosecutors iha Tennessee-Knoxville (USA) ne’ebé mak organiza husi The United States Departament of Justice ofice of Overseas Prosecutorial Development, Assistance and Training (OPDAT).

Aleinde formasaun sira, Dr. Nelson de Carvalho mós partisipa iha Workshop no Konférensia Lokál tantu Internasionál sira mak hanesan:

  1. Partisipa Workshop on Economic Financial Crime, iha Dili, loron-23 to’o loron-25, fulan-Outubru, tinan-2016, ne’ebé organiza husi UNODC;
  2. Partisipa iha Regional Conference on Fast-Tracking the Implementation of UNCAC, iha Bangkok, Thailandia, loron-31, fulan-janeiru to’o loron-3, fulan-fevereiru, tinan-2017;
  3. Partisipa Konferénsia 43rd IAP Executive Committee Meeting, 10th Asia & pacific Rejionál Conferénsia, iha Busan, Korea, iha loron-3-7, fulan-Abril, tinan-2017;
  4. Partisipa iha Annual General Meeting, kona-ba Asset Recovery Interagency Network Asia Pacific, iha Bali-Indonezia, iha loron-5-6, fulan-novembru, tinan-2018; no
  5. Partisipa iha Workshop ho tema “International Criminal Law and also Prosecuting of Child Sex Abuse’’ iha Dili, loron-04, fulan-Abril, tinan-2019, iha Ótel Timor, realiza husi United Nations Investigative Team for Accountability of Crime commited by Da’esh/ISIL(UNITAD);

Esperiénsia Servisu:

  • Hahú iha tinan-1991 to’o tinan-1999, nudár Funsionáriu Kanwil Departamen Peneregan Repúblik Indonezia, Dili Seksaun Relasaun Komunitária (Hubungan Masyarakat /Hupenmas);
  • Nune’e iha tinan-1998, Simu knár nudár Xefe iha Distritu (Kakandepen Kabupaten) Aileu, to’o tinan-1999 (referendum);
  • Juís iha Tribunál Baukau, hahú iha tinan-2000 to’o tinan-2005, nune’e mós simu knár nudár Juíz Administradór husi tinan-2000 to’o tinan-2002, Tempu UNTAET;
  • Aleinde ne’e, Dr. Nelson mós nudár Advogadu privadu durante iha tinan-2006 to’o tinan-2009 iha ne’ebé servisu hamutuk ho Dr. Paulo dos Remédios, no Eskritóriu iha Ótel California, Meti-Aut, Dili;
  • Nudár mós Membru efetivu (vogál) Konsellu Superiór Mijistradu Judisiál ne’ebé eleitu husi Prezidente Repúblika Dr. José Ramos Horta, iha tinan-2008;
  • Entretantu Dr. Nelson, hahú servisu iha kareira hanesan Prokuradór Repúblika 30, iha edifísiu Prokuradoria Delegasaun Ermera, iha tinan-2011 to’o tinan-2014;
  • Nune’e iha tinan-2016 to’o tinan-2019, Dr. Nelson eleitu husi Majistradu sira Ministériu Públiku nian, nudár Membru efetivu (vogál) Konsellu Superiór Ministériu Públiku nian;
  • Entretantu iha loron-09, fulan-Maiu, tinan-2023, hetan fali nomeasaun husi Prezidente Repúblika Dr. José Ramos Horta hanesan Adjuntu-Prokuradór Jerál Repúblika;
  • Nune’e iha Loron-12, fulan-Maiu, tinan-2025, Dr. Nelson de Carvalho asume pasta nudár Prokuradór Jerál Repúblika (PJR), iha ne’ebé hetan nomeasaun husi Prezidente Repúblika, Dr. José Ramos Horta ba periódu ida, husi tinan-2025 to’o tinan-2029 bazea ba, Dekretu Prezidensiál Nú 40/2025, Loron-12, fulan-Maiu, publika iha Jornál Repúblika.

Dili loron-13, fulan-Maiu, tinan-2025

(Dr. Nelson de Carvalho)

Prokuradór Jerál Repúblika