𝐏𝐉𝐑 𝐟𝐨́ 𝐏𝐨𝐬𝐞 𝐛𝐚 𝐃𝐫. 𝐀𝐥𝐟𝐨𝐧𝐬𝐨 𝐋𝐨𝐩𝐞𝐳 𝐧𝐮𝐝𝐚𝐫 𝐤𝐨𝐨𝐫𝐝𝐞𝐧𝐚𝐝𝐨́𝐫 𝐏𝐑𝐏𝐈 𝐂𝐨𝐯𝐚𝐥𝐢𝐦𝐚

Covalima, Loron-29, fulan-Setembru, tinan-2025, Prokuradór Jerál Repúblika Dr. Nelson de Carvalho, no akompaña husi Adjunta-PJR Dra. Angelina J. Saldanha, Adjuntu-PJR Dr. Pascásio de R. Alves hodi fó pose ba Dr. Alfonso Lopez, hodi asume kargu nudár Koordenadór Prokuradoria Repúblika Primeira Instánsia Covalima, no serimónia ne’e hala’o iha sala reuniaun-PRPI Covalima.

Iha serimónia ne’e, PJR hateten, etapa foun ida ne’e Dr. Alfonso Lopez, asume responsabilidade sira ne’ebe ezije lideransa firme, diálogu ativu no kapasidade mobilizasaun nian husi majistradu sira, ofisiál justisa no funsionariu sira mak ezersem funsaun sira PRPI Covalima ba dezafiu sira no objetivu sira ne’ebé MP hasoru nivel sirkunskrisaun judisiál ida-ne’e (abrajen ba munisipiu sira husi Covalima, Bobonaro, Ainaro no Manufahi mak konfrontadu.

Nune’e mós PJR hato’o dezeju ézitu renovadu sira, ho serteza katak Prokuradoria Repúblika Primeira Instánsia Covalima sei benefisia husi ita-boot nian esperensia, husi ita-boot nia integridade no husi ita-boot nia dedikasaun ba kauza justisa nian, etapa foun ida-ne’e markada husi uniaun, husi rigór no husi konfiansa mútua entre sira hotu ne’ebé integra iha nobre instituisaun ida-ne’e ne’ebé hanesan Ministériu Públiku.

Hafoin PJR termina ninia diskursu hato’o katak, justisa la konstroi izoladamente, maibe sin husi envolvimentu ita hotu. Iha momentu pose ida ne’e hanesan mós renovadu kompromisiu koletivu ida ho valór sira ne’ebé orienta ita; legalidade, izensaun, independensia, transparánsia, proximidade no servisu públiku nian.

Iha fatin hanesan enposadu Dr. Alfonso Lopez, hato’o agradesimentu ba Prokradór Jerál Repúblika ba konfiansa ne’e fó mai hau no hau sei halo esforsu hotu hodi lidera ekipa ida ne’e ho integridade, kompeténsia, kolaborasaun, hodi promove kultura servisu públiku nian ne’ebé fó prioridade ba vitima, respeita direitus fundamentais ho halo investigasaun ida ne’ebé ho rigor.

Iha serimónia ne’e hetan partisipasain husi Prezidente Autoridade Covalima, Komandate PNTL, reprezentante PRADET, ALFELA, no JSMP. (Media-PJR)