𝐏𝐉𝐑 𝐟𝐨́ 𝐏𝐨𝐬𝐞 𝐛𝐚 𝐃𝐫. 𝐉𝐨𝐬𝐞́ 𝐄𝐥𝐨 𝐧𝐮𝐝𝐚𝐫 𝐤𝐨𝐨𝐫𝐝𝐞𝐧𝐚𝐝𝐨́𝐫 𝐏𝐑𝐏𝐈 𝐎𝐞𝐜𝐮𝐬𝐬𝐞 𝐀𝐦𝐛𝐞𝐧𝐨

Oecusse, Loron-01, fulan-Outubru, tinan-2025, Prokuradór Jerál Repúblika Dr. Nelson de Carvalho, no akompaña husi Adjunta-PJR Dra. Angelina J. Saldanha, hodi fó posse ba Dr. José Elo, hodi asume kargu nudár Koordenadór Prokuradoria Repúblika Primeira Instánsia Oecusse, no serimónia ne’e hala’o iha salaun edukasaun Oecusse Ambeno.

Iha serimónia ne’e, PJR hateten, ho sentidu responsabilidade institusionál nian no profunda respeitu husi misaun Ministériu Púbilku nian ne’ebé ohin ita asina tomada pose, nudar Koordenadór PRPI Oecusse. Momentu ida-ne’e reprezenta la’os de’it kontinuidade husi servisu públiku, maibe mós oportunidade renovada ida hodi reforsa pilár sira ne’ebé sustenta ba ita nia atuasaun legalidade, imparsialidade, izensaun no étika.

PJR akresenta tan katak, saudasaun espesiál ba sira-ne’ebé PRPI Oecusse, sei artikula ba ézitu husi ninia misaun órgaun sira polísia kriminál nian, Tribunál sira autoridade rejionál sira no instituisaun sira hotu katak, iha respeitu mútua no iha kooperasaun instituisionál, kontribui ba jutisa ida efikas liu, besik liu husi sidadaun sira no digna liu Estadu Direitu nian ne’ebé ita konstrui hamutuk.

Iha fatin hanesan enposadu Dr. José Elo, hato’o agradesimentu ba Prokradór Jerál Repúblika ba konfiansa ne’e fó mai hau hodi bele fiskaliza atividade MP nian, iha PRPI Oecusse. Ho responsabilidade ne’ebé boot hodi kontinua serivisu makas hodi reprezenta MP nia ezistensia iha rejiaun espesiál oecusse ambeno.

Iha serimónia ne’e hetan partisipasain husi Prezidente Autoridade Rejiaun Espesiál Oecusse Ambemo, Juis Administradór TJPI Oecusse, Koordenadór Defensoria Públika Oecusse, Komandate PNTL, Diretór Edukasaun, Diretór Terras, Administradór Postu Pante Macassar, Diretór inigrasaun, reprezentante ALFANDEGA, JSMP. Amo paroco Numbei Oecusse. (Media-PJR)