Dili, loron-27, fulan-Maiu, tinan-2025 Adjuntu Prokuradór Jerál Repúblika (A-PJR), Dr. Pascásio de Rosa Alves, enkotru ho Majistradu no Ofisiál Justisa sira iha Gabinete Sentrál Servisu Kontensiozu Estadu no Interese Koletivu no Difuzu sira.
iha sala enkontru PJR kolmera.
Iha enkotru ida ne’e APJR informa katak, PJR hatun despaxu ida ba Adjuntu-PJR Dr. Pascasio de R. Alves, nu’udár Koordenadór ba Gabinete Sentrál Servisu Kontensiozu Estadu no Interese Koletivu no Difuzu (SKEIKD). ho nune’e mak marka kedan primeiru enkontru ho Majistradu no Ofisiál Justisa sira hodi bele haree ba jestau sevisu prosesuál nian iha Gabinete SKEIKD ida ne’e bele lao ho di’ak no planu ba oin presiza kria sistema ida hodi bele apoiu ita-nia servisu ho di’ak liutan.
APJR informa mos kona-ba, formasaun Gabinete ne’e presiza formasaun kontinua iha área espesializadu sira ba majistradu no ofisiál justisa iha Gabinete SKEIKD liuhusi identifikasaun ba nesesidade reál tuir servisu lorloron nian, planu ba formasaun nian sei koopera ho Gabinete Kooperasaun Judisíaria, hodi bele propoin ba planu formasaun nian iha área matéria sívil, administrativu, tributáriu no iha matéria interese koletivu no difuzu sira. (Media PJR)