Likisa, loron-23, fulan-maiu, tinan-2025, Adjuntu-Prokuradór Jerál Repúblika Dr. Pascásio de Rosa Alves, kontinua Partisipa iha Diskusaun Lei Rejime Jurídiku Garantia Mobiliáriu ne’ebé organiza husi komisaun A Parlamentu Nasionál.
Lei ida-ne’e estabelese rejime jurídiku ba utilizasaun bein móvel, Corporeos ka incorporeos, nudár garantia kumprimentu ba obrigasaun sira, no estabelese ho efikásia, prioridade ba ezekusaun ba direitu garantia nian, kona-ba bein móvel.
Iha fatin hanesan, Adjuntu-PJR agradese tebes ba Komisaun A, Parlamentu Nasionál ne’ebé Mak bele fo biban Mai MP bele envolve iha Diskusaun Lei Rejime Jurídiku Garantia Mobiliariu ne’e hodi bele fo hanoin Jurídiku nian konaba Proposta Lei ida ne’e rasik.
“Ami haree katak Projetu Lei Ida nee fundamenta tebes ba komprimenta ba Artigu 139, 140 KRDTL, atu nune’e bele estimula Ita nian sidadaun sira hodi bele ajuda sira nia atividade ekonomia no Mikro-Ekonomia hodi bele dezenvolve” dehan Adjuntu PJR.
Nune’e mós Adjuntu-PJR hateten, durante ne’e ita haree katak difisil tebes ba ita nia sidadaun sira atu bele asesu ba Kreditu Bankaria, ho projetu Lei ida ne’e, ita bele hein katak Parlamentu Nasionál bele aprova Lei ida ne’e hodi bele sai instrumentu Legál ida ba ita nia sidadaun sira.
Adjuntu-PJR akresenta liutan katak, Lei Ida ne’e Benefisiu tebes ba Ita nia sidadaun sira, emtermus asisibilidade. Ita nia sidadaun sira bele asesu ba kreditu Bankaria, simplesmente ho garante mobiliariu. Agora dadaun ho Projetu Lei Ida ne’e bele hafasil ita nia sidadaun sira hodi bele istinula ita nia investimentu rai laran hodi bele dezenvolve ita nia ekonómia iha rai laran. (Media-PJR)