Covalima, Loron-17, fulan-Juñu, tinan-2025, Adjuntu-Prokuradór Jerál Repúblika, Dr. Jacinto Babo Soares, ho ekipa halo levantamentu diagnostiku ida iha Prokuradoria Repúblika Primeira Instánsia Covalima hodi rona direta preukupasaun no dezafiu sira ne’ebé Prokuradór, Ofisiál Justisa no Funsionáriu Servisu Apoiu Tékniku Administrativu (SATA) dezafiu sira hasoru durante sira hasoru, atu nune’e bele koloka preukupasaun sira durante mandatu atuál Prokuradór Jerál Repúblika Dr. Nelson de Carvalho nian, hodi bele hadia ba preukupasaun sira atu bele dezenvolve MP ba oin.
Nune’e iha sorumutu refere, halo mós distribuisaun materiál Parsela nomos livru Violénsia Bazeia ba Jéneru, ne’ebé mak hetan apoiu husi Asian Development Bank (ADB), no sorumutu ne’e hala’o iha sala reuniaun PRPI-Covalima.
Hafoin rona tia preukupasaun sira iha PRPIC Adjuntu-Prokuradór Jerál Repúblika Dr. Jacinto Babo Soares ho ekipa kontinua kedas halo viajen ba Prokuradoria Primeira Instánsia Bobonaro iha loron-18 fulan-Juñu, tinan-2025 hodi rona direta mos preukupasaun no dezafiu sira ne’ebé PRPI Bobonaro nian. (Media-PJR)