Manufahi, Loron-05, fulan-Agostu, tinan-2025, Adjuntu-Prokuradór Jerál Repúblika, Dr. Jacinto Babo Soares, akompaña husi ekipa tékniku Ministériu Públiku (MP) nian, ofisiálmente entrega terenu ba kompaña Visio Dei Unipessoal, Lda, hodi halo konstrusaun edifísiu no rezidénsia Prokuradoria Repúblika Primeira Instánsia iha Munisípiu Manufahi (PRPIMM) ho durasaun durante tinan ida.
Iha serimónia ne’e Adjuntu-PJR hatete, agradese tebes ba kolaborasaun husi autoridade no tékniku sira husi Munisípiu Manufahi nian ne’ebé mak kolabora di’ak tebtebes tanba, MP presiza liu mak seguransa no kontribuisaun husi autoridade lokál sira hotu iha faze konstrusaun nian, atu nune’e MP no mós kompaña sente seguru iha faze konstrusaun nian.
Entretantu iha serimónia ne’e partisipa mós husi Prezidente Autoridade Munisípiu Manufahi Sr. Luis Marçal da Costa Tavares, Reprezentante Komandante PNTL, no autoridade lokál sira munisípiu Manufahi nian ho objetivu hodi kolabora ho MP liliu iha parte seguransa nune’e konstrusaun ida-ne’e bele la’o ho di’ak. (Media-PJR)