Dili, Loron-15, fulan-Agostu, tinan-2025, Adjunta-Prokuradór Jerál Repúblika Dra. Angelina J. Saldanha, reprezenta Prokuradór Jerál Repúblika Dr. Nelson de Carvalho, hodi hato’o diskursu iha Lansamentu Relatóriu Anuál Asisténsia Legál ba Feto no Labarik (ALFeLa) nian tinan- 2022-2023 no mós Reuniaun Jerál Anuál, ne’ebé mak hala’o iha Otél Timor.
Iha okaziaun ne’e, APJR hatete katak, Lori Ministériu Públiku no Prokuradoria Jerál Repúblika nia naran, atu fó sasin kona-ba servisu liuvavél ne’ebé ALFela hala’o hodi fó asisténsia legál ba feto no labarik sira ne’ebé sai vítima ba violénsia, hodi hasa’e koñesementu kona-ba enkuadramentu legál no hodi halo advokasia ba vítima violénsia sira, ami nia satisfasaun sira ne’e, tanba ALFela kontribui hodi garante katak feto no labarik sira ne’ebé sai vítima ba violénsia iha asesu ba lei, justisa no Tribunál sira hodi defende sira nia direitu no interese ne’ebé hetan protesaun legál.
Tuir A-PJR katat, atividade ne’ebé dezenvolve hosi ALFela fó benefísiu ba feto no labarik sira bainhira sira sai vítima ba krime ruma, maibé mós sidadaun sira seluk nu’udar nia atividade ida mós ba sensibilizsaun kona-ba nesesidade hodi proteje feto no labarik hasoru tipu violénsia ruma nune’e mós liuhusi promosaun ne’ebé nia halo hodi defende sira-nia direitu. (Media-PJR)