Díli- Adjunta Prokurador Jeral Repúblika Zelia Trindade, loke abertu ofisiál ba konferénsia ne’ebé hala’o husi PNTL ho Tema investigasaun kriminál ‘’Uniformiza Setór Justisa no Aplikasaun Lei iha Timor-Leste ho foku ba krime Transnasionál’’ segunda 28/05/2018, iha sentru formasaun João Paulo II, Comoro.

“Ohin mai partisipa iha konferénsia ida ne’e, ne’ebé realiza hosi PNTL. Konferensia ida ne’e importante tebes tanba sira haree kona-ba uniformizasaun setor justisa ba protesaun lei nian ne’ebé foka liu ba krime transnasionál. hau hanoin asuntu ida ne’e intresante tebes tanba asuntu ida ne’e sai preokupasaun ba iha ita nia país liuliu país foun hanesan ita” Tenik APJR

Krime transnasionál ninia natureza kompleksu tebes. Tanba krime ne’e organizadu ne’ebé iha ninia dimensaun internasionál ho ida ne’e maka presiza tur hamutuk liuliu polísia, prokurador sira hodi bele partilla esperensia iha konferérensia ida ne’e hodi haree kona-ba krime transnsionál.

APJR haktuir ohin loron ita iha terseira mundu, ita iha ona mundu globalizadu  ne’ebé mak lori efeitu positivu maibe negativu mós barak, tanba ne’e bainhira ko’alia kona-ba krime transnasionál ita haree krime ida ne’e, krime organizadu ne’ebé mak sira iha asosiasaun kriminozu ne’ebé iha país sira seluk depois sira mós bele enkoraza tama mai ita nia rai laran.

Tanba Timor Leste oras ne’e sei frazil hela maski iha lei ne’ebé adekuadu tebes maibe presiza buka hatene saida mak autoridade sira presiza, buka hatene liuliu autoridade judisiáriu sira no polísia sira tenke buka atu kuñese didi’ak saida mak krime trannasinál.

APJR esklarese liu tan katak konvensaun barak ne’ebé maka estadu Timor Leste ratifika inklui Lei balun ne’ebé estadu aprova ida ne’e atu fó hanoin katak Timor Leste iha meus ida ne’ebé adekuadu atu bele implementa, maibe oinsa atu buka kompriende lei sira ne’e, ninia Espíritu ne’e óinsa. Foin lalais mós aprova Lei pertimentes tolu hanesan trafiku droga, trafiku umanu no mós armas brankas.

Konferénsia ne’e hetan partisipasaun husi Emabaixadór Australia iha Timor-Leste, komandante jerál PNTL Munisipiu sanulu resin rua (12) inklui mós Komandante Jerál PNTL (RAEOA) no komandante investigasaun sira, Polisia de Fronteira Maritina, Servisu de Imigrasaun no Alfandega. (Media PGR/Luis Soares)