Baucau – Tribunál Distritál Baucau (TDB), Kinta (01/02/2018) Julga kazu violénsia Seksuál ho numeru Nuc : 0422/14, ba Arguidu ho inisiál CS ne’ebe mak Ministériu Públiku akuza ho krime Violénsia seksuál, hasoru lezada ho inisiál AS.
Liu husi julgamentu ne’e juis prosesu le’e sai akuzasaun Ministériu Públiku katak akontesimentu iha loron 03/05/2014, suku Babulu/Uatulari Munisipiu Viqueque. iha dadersan lezada ba kuru be iha be matan ho masa sinku litru rua, hafoin fila lezada haree arguidu la’o tun mai kaer ho katana, Arguido duni lezada to lezada monu resulta liman sikun kanek, hirus matan no ain tur kanek, Arguido kaer katama dehan ba lezada “o la fo o mate” nune’e arguido kous lezada lori ba hatoba iha fatin (beheda) arguidu lori katana tau iha lezada nia kakorok hodi dehan “se o hakilar hau ta mate o”.
Arguido les lezada nia kalsa no hasai kalsina hodi hatama nia penis iha lezada nia vagina i toba sae ba leten doko to’o sperma sai tama ba lezada nia vagina, relasaun hotu arguidu halai tia ba estrada.
Ho hahalok arguidu nian ne’e Ministériu Públiku akuza arguidu ho krime violénsia seksuál. Hatan ba akuzasaun ne’e arguidu deklara ba iha Tribunal katak akuzasaun hirak ne’e balu loos no balu sala.
Arguidu haktuir katak, lalori katana hodi duni lezada no la obriga lezada, ami nain rua hakarak ho hakarak.
Nia konta, bainhira lezada ba kuru be, lezada la’o tun mai rai namadoras halo lezada monu rezulta lezada nia liman sikun kanek. Lezada dehan ba arguidu, dadersan ne’e ema barak mai kuru be nune’e lezada sae uluk ba, kolu nia ropa molik hotu Arguido foin sae ba, halo relasaun hotu lezada husu osan ba arguidu, arguidu dehan agora osan laiha no arguidu promete segunda simu osan mak fó 10$ dolar, nune’e lezada hatais tia ropa ida-idak la’o ba uma.
Iha audensia julgamentu ne’e lezada konfesa ba tribunak katak, sira nain rua laiha relasaun família no la namora, iha dadersan oras besik ona tuku ne’en (06:00) hau ba kuru be iha be matan watukailale, kuru tia be hau haree arguidu, nia duni kedas hau to iha laletek ida hau monu dada i’is lalebe nia mai kous hau lori ba besik iha beheda nia dehan mai hau, “se o hakilar hau lori katana ta mate o’’. nia tau tia katana iha hau nia kakorok, les hau nia kalsa hena no hasai hau nia kalsina, hau molik nia sae ba hau nia leten, lees hau nia kelen no nia kaer nia penis hodi hatama ba hau nia vagina, to husik nia sperma iha hau nia vagina laran. Relasaun ne’e hotu arguido halai, lezada hatais nia ropa hiit ho be hodi fila ba uma.
Hafoin rona tia arguido no lezada juis prosesu deside marka fali julgamentu iha dia 22/02/2018, hodi rona fali sasin sira.
Enkuantu julgamentu ne’e prezide hosi juis Dr. José Gonçalves, Ministériu Públiku, Dr. Domingos Gouveia, Arguido hetan asintensia legal hosi defensor publiku, Dr. Lino Lopes. (Media PJR/Luis Soares)