Baukau, Loron-24, fulan-Setembru, tinan-2025, Prokuradór Jerál Repúblika Dr. Nelson de Carvalho, ne’ebé akompaña husi Adjunta-PJR Dra. Angelina J. Saldanha no Adjuntu-PJR Dr. Pascásio de R. Alves, fó posse ba Dra. Zélia Trindade nudár Koordenadora-Prokuradoria Repúblika Primeira Instánsia Baukau (PRPIB), no serimónia ne’e hetan partisipasaun másimu husi autoridade lokál no parseiru servisu sira iha Munisípiu Baukau no serimónia ne’e hala’o iha sala reuniaun-PRPIB.
Iha diskursu PJR hatete, Prokuradoria Repúblika Primeira Instánsia Baukau, asume papél ida relevante iha konsolidasaun husi justisa prosimidade nian, sendu bolu ba responde ho seleridade no efisiénsia ba dezafiu sira husi kombate ba kriminalidade, husi defeza direitu sira-nian no interese labarik sira-nian, defeza husi interese públiku no promosaun husi legalidade demokrátika. No kontestu ida-ne’e, di’ak ida no efisiente koordenasaun husi atividade sira Ministéiu Públiku (MP) nian no koaborasaun efikáz ida ho órgaun sira husi Polísia Kriminál no Instituisaun sira ne’ebé iha relasaun sei determinante hodi reforsa ba konfiansa husi komunidade iha atuasaun mP nian.
Nune’e PJR hatutan tak katak, PRPIB hanesan espasu servisu ida respeitavel, ezizente no solidáriu, ne’ebé kada Majistradu, Ofisiál Justisa no Funsionáriu sira bolu atu kontribui hodi nune’e bele iha justisa ida besik, umanu no efikáz liu. No ikus liu PJR espresa votus susesu ba emposada Dra. Zélia Trindade no agradese mós ba Dra. Remízia de Fátima da Silva nia servisu sira durante ne’e presta iha MP liliu iha PRPIB nian. (Media-PJR)