Dili, Loron-07, fulan-Jullu, tinan-2025, Adjuntu Prokuradór Jerál Repúblika (A-PJR) Dr. Jacinto Babo Soares hanesan mos Koordenadór ba Ekipa Diagnostiku, enkontru ho Koordenadór Gabinete Kontensiozu Estadu, Atuál Adjuntu PJR, Dr. Pascásio de Rosa Alves hamutuk ho Majistradu, Ofisiál Justisa no funsionáriu sira ne’ebé tutela iha Gabinete refere.
enkontru ne’e hanesan enkontru kontinuasaun ida ne’ebé ekipa ba levantamentu diagnostiku halao tiha ona ho Prokuradoria Repúblika Primeira Instánsia sira ho asuntu ne’ebé hanesan hodi rona direta preukupasaun no dezafiu sira ne’ebé Prokuradór, Ofisiál Justisa no Funsionáriu Servisu Apoiu Tékniku Administrativu (SATA) sira hasoru, atu nune’e bele koloka preukupasaun sira durante mandatu atuál Prokuradór Jerál Repúblika Dr. Nelson de Carvalho nian.
Enkontru hanesan, iha oras loraik nian, ekipa diagnostiku kontinua kedan enkontru ho Koordenadora Gabinete Sentrál Kombate Korrupsaun no kriminalidade Organizada ne’ebé lidera hosi Adjunta-PJR, Dra. Angelina J. Saldanha hamutuk ho majistradu, ofisiál Justisa no funsionáriu sira. (Media-PJR)