Públiku iha Prokuradória Jerál Repúblika hahu tinan 2000 to’o 2018 ho nia papél hanesan motorista, ohin kuarta (28/02/2018), Diresaun Administrasaun Rekursu Umanu-Prokuradoria Jerál Repúblika halo reforma ba funsionáriu ne’e, hahu loron 01 fulan Marsu 2018 sei la tama tan servisu hanesan babain.
Iha biban ida ne’e, funsionáriu sira Diresaun Administrasaun Rekursu Umanu, ne’ebé lidera hosi Diretora Barbara Sarmentu Baptista halo mós despedida ba funsionário refere iha Prokuradoria Jerál Repúblika Kolmera Dili,
António de Jesus da Silva moris iha tinan 19/08/1953 Postu-Administrativu Cristu Rei, suku Bidau Santana, agora ho idade neen nulu resin haat (64) hahu servisu iha Ministériu Públiku hanesan motorista hahu hosi tinan rihun rua iha tempu Prokuradór Jerál Repúblika, Longuinhos Monteiro nia tempu to’o agora.
Maske hau nia knar hanesan motorista maibé hau mós fó apoiu servisu sira seluk iha Ministériu Públiku, “hau nia knar hanesan motorista maibé sempre kontribui mós ba servisu lojistíka nian durante iha Ministériu Públiku, to’o ohin loron tuir Lei hau tenki reforma, kestaun hau nia idade ne’ebé mak hau halo ona tinan moris nian neen nulu resin haat, hatete funsionáriu refromadu ne’e molok husik hela nia servisu fatin Prokudoria Jerál Repúblika.
Nune’e mós, António de Jesus da Silva Reforma ho idade neen nulu resin haat, maibé António sei la kolen atu buka moris ho meus seluk, “hau kontete durante servisu iha Ministériu Públiku hanesan motorista, hau hetan ona reforma, maske ohin hau reforma ona maibe hau sei buka maneira oinsa atu bele sustenta hau nia família no oan sira’’. (Media PGR/Luis Soares)