Dili, Loron-02, fulan-Juñu, tinan-2025, Funsionáriu Públiku hosi Mistériu Públiku hamutuk nain sanulu-resin-neen, (16) tuir formasaun konaba Lideransa nian iha Institutu Nasionál ba Administrasaun Públika (INAP)
Iha biban abertura nian, Sekretariu Jerál-PGR, Gil da Conceição Savio, hateten formasaun ba lideransa ida ne’e importante tebes ba formandu sira hodi bele aumetan ita nia koñesimentu oinsá bele sai lideransa di’ak iha intituisaun MP nian, formasaun ida ne’e importante tebes hodi prepara ita nia-a’an ba futuru bele asumi kargu xefia ruma hodi bele lidera kofiansa servisu ne’ebé ita simu ho responsabilidade.
Nune’e mós Diretór Jerál INAP, Policarpo Amilcar Boavida, hateten formasaun ne’e direitu funsionáriu públiku nian, lideransa la’ós kargu xefia sira de’it maibé lideransa ne’e mai kedan hanesan funsionáriu públiku, mellora ita-nia prestasaun servisu, sai funsionáriu profisionál, muda ita nia mentalidade lideransa atu nue’e ita bele lidera servisu ida ho di’ak. Formasaun ne’e hala’o iha Institutu Nasionál ba Administrasaun Públika (INAP) Comoro durante semana ida. (Media-PJR)