Dili, Loron-12, fulan-Juñu, tinan-2025, Adjunta Prokuradór Jerál Repúblika Dra. Angelina J. Saldanha hamutuk ho Adjuntu-PJR, Dr. Pascásio de Rosa Alves, marka prezensa iha Parlamentu Nasionál Komisaun A ne’ebé trata Asuntu Konstituisionál no Justisa tanba hetan konvite hosi Prezidente Komisaun A, Patrocínio Fernandes dos Reis.
Objetivu hosi prezensa A-PJR nain rua hamutuk ho Ministru Justisa, Dr. Sérgio Hornai atu fó pareser tékniku liu hosi diskusaun espesialidade konaba Proposta Lei Nu. 17/VI (2a), Alterasaun daruak ba Lei Nu. 7/2022, loron-19, fulan-Maiu, Estatutu Ministériu Públiku nian.
Iha diskusaun ne’e, kosege hetan aprovasaun hosi Distintu deputadu sira ligadu ho Artigu balun iha estatutu Ministériu Públiku hodi fó kompeténsia ba Konsellu Superiór Ministériu Públiku (KSMP) atu halo rasik rekrutamentu ba kareira Prokuradór Repúblika ba Prokuradór Rekursu iha futuru, nu’u ne’e mos prokuradór ne’ebé atu kompete iha vaga Prokuradór Rekursu ne’e fó biban deit ba prokuradór primeira klase sira.
Alende ne’e iha mos alterasaun ba artigu balun ne’ebé ligadu ho promosaun klase ba Prokuradór Repúblika sira hanesan, hosi terseira klase ba segunda klase ho antigidade servisu tinan 7 no hosi segunda klase ba primeira klase ho antigidade servisu tinan 5, maibé antes ne’e terseira klase ba segunda klase ho antigidade servisu tinan 10 no hosi segunda klase ba primeira klase ho antigidade servisu tinan 5, entretantu iha alterasuan ne’e hetan mudansa iha antigidade servisu hosi tinan 10 ba tinan 7. (Media-PJR)