Manufahi, loron-19, fulan-Agostu, tinan-2025, Prokuradór Jerál Repúblika Dr. Nelson de Carvalho, Adjunta Prokuradór Jerál Repúblika, Dra. Angelina J. Saldanha, Dr. Jacinto B. Soares, Dr. Pascásio de R. Alves, hamutuk ho Prezidente Autoridade Munisípiu Manufahi Luís Marçal da Costa Tavares, hodi hala’o Lansamentu fatuk dahuluk ba Prokuradória Repúblika Primeira Instánsia Manufahi.
Iha lansamentu ne’e Prokuradór Jerál Repúblika Dr. Nelson de Carvalho hateten, ohin sai hanesan loron importante ida ba Munisípiu Manufahi, Lansametu fatuk dahuluk ba konstrusaun Prokuradória Repúblika Primeira Instánsia Manufahi nian ho objetivu hodi hakbesik liután justisa ba povu Munisípiu Manufahi nian, fiar katak ezisténsia MP ida ne’e bele hetan apoiu husi komunidade no autoridade Munisípiu Manufahi nian hodi bele tau matan ba konstrusaun ida ne’e.
Iha fatin hanesan Prezidente Autoridade Munisípiu Manufahi Luis Marçal hato’o agradese, ba Prokuradór Jerál no governu sentrál tanba bele harii ona Ministériu Públiku ida iha Munisípiu Manufahi hodi bele tulun komunidade sira bele hakbesik liután ba justisa, no ami sei responsavél tomak no asegura ba konstrusaun ida ne’e.
Konstrusaun ne’e harii iha Aldeia, Rae-Ubu, Suku, Letefoho, Munisípiu Manufahi, husi kompaña Visio Dei UNPESSOAL, LDA. Lansamentu refere hetan partisipasaun maxímu husi komunidade no autoridade Munisípiu Manufahi nian. (Media-PJR)