Dili, Loron-17, fulan-Setembru, tinan-2025, Prezidente Konsellu Superiór Ministériu Públiku (P-KSMP) Dr. Nelson de Carvalho, ne’ebé akompaña husi Ministru Justisa Dr. Sergio de Jesus F. da C. Hornai no Koordenadora Grupu Traballu ba Reforma Setór Justisa Dra. Lúcia Lobato, fó posse ba Prokuradór Repúblika Estajiáriu nain 7 (hitu) no serimónia ne’e hala’o iha sala reuniaun-PJR Kolmera.
Iha serimónia tomada posse ne’e, Prezidente-KSMP hateten, nomeasaun ba Prokuradór Repúblika Estajiáriu nain 7 (hitu) iha kontestu falta majistradu Ministériu Públiku nian hanesan impresionantemente hakerek iha relatóriu anuál sira tutuir-malu konaba atividade MP nian ne’ebé koalia kona-ba presaun ne’ebé aumenta ba beibeik konaba Justisa en-jerál no liuliu MP hodi responde aspirasaun sira populasaun nian ne’ebé hakarak justisa ida ne’ebé laisliu no efisiente, nudár gratifikante duni.
Nune’e Prezidente-KSMP mós husu atu Prokuradór Repúblika Estajiáriu sira atu asume responsabilidade no komprimisu atu sai profisionál ne’ebé dilijente, responsável, sériu, dedikadu, kompremetidu ho devér sira majistradu MP nian no nunka lakon sentidu tanba podér sira ne’ebé relasiona ho podér majistradu nian eziste hodi serbí deit sidadaun sira, tanba hodi sira nia naran mak halo justisa. Dr. Nelson mós hatutan tan katak, iha Ministériu Públiku, étika la’ós deit espetativa ida, maibé nudár ezijénsia ida, tanba nia mak orienta ita-nia desizaun sira, proteje ita-nia autonomia no independénsia no garante katak ita atua ho imparsialidade no justisa. Nudár aliserse invizivel ne’ebé sustenta konfiansa sidadaun sira nian ba ita-nia instituisaun, no ita-boot sira idaidak bainhira hahú karreira ne’e, iha kompromisu ne’ebé labele negósia ho étika. (Media-PJR)