Díli – Iha Kuarta, loron-30, fulan-Janeiru, tinan-2019, Prokuradór-Jerál Repúblika Dr. José da Costa Ximenes hala’o vizita ba PDD hodi haree direta kondisaun fatin Prokuradór Estajiáriu na’in-5 nian.
Iha vizita ne’e PJR hateten ba Prokuradór sira iha PDD nian katak “prokuradór estajiáriu na’in-5 sei hamutuk ho Prokuradór sira iha PDD ho koordenadora Prokuradóra Dr. Lidia Soares sei halo akompañamentu ba Prokuradór estajiáriu sira, hahú iha primeiru trimestre ne’ebé mak sei hala’o iha fulan – Janeiru, tinan 2019 to’o loron-31, fulan-Marsu, tinan-2019 no sei distribui prosesu ne’ebé mak ki’ik menus husi tinan-5. Prokuradór estajiáriu sira sei hato’o relatoriu ba ekipa refere hodi haree kona-ba ninia evolusaun, apoiu saida mak ita presiza atu fó no haree mós kona-ba dalen Portugés nian, no tuirmai sei hakat ba segunda trimestre, terseira trimestre no kuatru trimestre nian, no mós sei prepara transporte hodi suporta Prokuradór estajiáriu sira nia servisu.
Iha vizita ne’e PJR hateten ba Prokuradór Sira PDD nian katak Prokuradór estajiáriu sira ne’e ita nia alin, nune’e akompaña no suporta sira ho didi’ak keta haluhan sira, sira mai tuir ita hodi sai familia boot MP nian hodi sai metin liután. (Media PJR)