Covalima, Loron-16, fulan-Juñu, tinan-2025, Prokuradór Jerál Repúblika, Dr. Nelson de Carvalho, no akompaña husi Adjuntu-PJR Dr. Jacinto Babo Soares, hala’o vizita kortezia ba Prokuradoria Primeira Instánsia Covalima, hodi observa no haree direta intalasaun no servisu sira iha PRPIC, nune’e PJR husu atu funsionáriu sira hotu servisu hamutuk no honestu.
Iha biban nee, Koordenadór em subtituisaun PRPIC Dr. Rafael J. Gusmão no Prokuradór Repúblika Dr. Simeão B. Seixas, akomapaña PJR no Adjuntu-PJR hodi haree direta ekipamentus no materiál sira iha edifísiu PRPIC nomos fatin sira ne’ebé mak durante ne’e asegura evidénsia sira.
Entretantu iha loron-17, fulan-Juñu, tinan-2025, Prokuradór Jerál Repúblika Dr. Nelson de Carvalho, Reuniaun servisu ho parte relevante sira hanesan Polísia Unidade Fronteira (UPF), Polísia Servisu Investigasaun Kriminál, Imigrasaun no Alfandega, hodi kuda nafatin lasu amizade entre instituisaun hirak ne’e ho Ministériu Públiku, nune’e bele hametin liu tan liña koordenasaun entre parte relevante sira hotu. Reuniaun ne’e hala’o iha sala reuniaun PRPI-Covalima. (Media-PJR)