Dili, Loron-28, fulan-Maiu, tinan-2025, Prezidente Konsellu Superiór Ministériu Públiku (KSMP), atuál Prokuradór Jerál Repúblika, Dr. Nelson de Carvalho, hafoin simu tiha posse hosi Prezidente Repúblika nundár PJR, nune’e ohin hahú lidera reuniaun oradináriu KSMP nian ba dahuluk nian hodi diskuti konaba servisu sira Ministériu Públiku nian ne’ebé mak realiza iha sala Reuniaun KSMP. 
Entretantu iha reuniaun ordináriu ne’e hamutuk ho membru sira KSMP nian hanesan, Dr. Jacinto Babo Soares atuál Adjuntu PJR, hanesan membru Efetivu ne’ebé eleitu hosi Majistradu MP nian, Dr. Francisco Ly de S. Assis Nicolau hanesan mebru Efetivu ida ne’ebé dezignadu hodi Prezidente Repúbika, Dr. Filipe R. Pereira, hanesan membru Efetivu ida ne’ebé eleitu hosi Parlamentu Nasionál no Dr. Timotio de Deus, hanesan membru Efetivu ida ne’ebé dezignadu hosi Governu.
Reuniaun ordináriu Konsellu Superór Ministériu Públiku, ezerse kompeténsia ba jestaun kuadru sira MP nian, aleinde halo funsaun hodi halo, nomeasaun, kolokasaun, transfere, promove, ezonera, no apresia méritu profisionál no ezerse asaun disiplinár ba majistradu sira MP nian no KSMP mós hala’o funasaun ida kona-ba jestaun no disiplina funsionáriu MP sira nian. (Media-PJR)