Dili, Loron-04, Fulan-Jullu, tinan-2025, Prokuradór Jerál Repúblika Dr. Nelson de Carvalho, partisipa iha Reuniaun Ordináriu Konsellu Jerál Sentru Formasaun Jurídiku no Judisiária ne’ebé Prezide husi Ministru Justisa, Sérgio Hornai, akompaña mos husi Defensór Públika, Diretora SFJJ, reuniaun ne’e hala’o iha sala enkontru Ministériu Justisa nian.
Objetivu husi reuniaun ne’e hodi ko’alia konaba reintegrasaun ba formandu sira husi sétimu kursu tinan-2024 nian hamutuk, ruanulu resin haat, Juiz, Prokuradór no Defensór Públiku ne’ebé mak termina ona sira nia formasaun iha Sentru Formasaun Jurídiku iha Lisboa Portugál, no sira sei integra an fila fali ba Sentru formasaun Jurídiku no Judisiáriu hodi kontinua ba estájiu profisionál nian. (Media-PJR)