Baucau, loron-25, fulan-Juñu, tinan-2025, Prokuradór Jerál Repúblika Dr. Nelson de Carvalho, hala’o vizita traballu ba Prokuradoria Repúblika Primeira Instánsia Baucau.
Objetivu husi vizita traballu ida ne’e hodi haree direita ba instalasaun edifisiu no servisu iha PRPI Baucau, nune’e mós PJR informa katak, ba oin ita sei hala’o mudansa servisu balun sei ba halo fali servisu iha fatin seluk, no sira seluk sei mai fali servisu iha Baucau, rotasaun servisu ida ne’e hodi bele kuda imi nia matenek ka fahe imi nia esperiénsia serivisu nian iha fatin seluk.
Iha fatin hanesan Koordenadora Dr. Remizia de F. Silva, hato’o agradese ba PJR ho ekipa bele vizita ona PRPI Baucau, PJR ho hanoin di’ak atu hadia servisu sira iha MP, motivasaun ne’ebé PJR hoto’o, di’ak ba ita hodi bele hala’o servisu sai di’ak liutan hodi bele dezenvolve matenek iha fatin foun ba. Iha enkontru ne’e partisipa mós husi Prokuradór Repúblika Dr. Ambrósio Rangel Freitas, enkontru ne’e hala’o iha sala enkontru PRPI Baucau. (Media-PJR)