Viqueque, loron-23, fulan-Juñu, tinan-2025, Prokuradór Jerál Repúblika Dr. Nelson de Carvalho, hala’o vizita traballu ba Prokuradoria Repúblika Primeira Instánsia Viqueque.
Iha vizita traballu ida ne’e hodi haree direita ba Instalasaun no servisu sira iha PRPIV, vizita ne’e mós PJR husu ba Majistradu, Ofisiál Justisa no funsionáriu sira mantein liña koordenasaun ba malu hodi bele hala’o servisu sira sai di’ak liutan, nune’e mós Koordenadór PRPI Viqueque Dr. Julio da S. Correia, haksolok tebes tanba, PJR bele mai vizita direita hodi haree kondisaun servisu sira iha PRPI Viqueque. (Media-PJR)