Bobonaro, Loron-17, fulan-Juñu, tinan-2025, Prokuradór Jerál Repúblika Dr. Nelson de Carvalho, vizita dala-uluk ba Prokuradoria Repúblika Primeira Instánsia Maliana, hodi observa instalasaun servisu sira iha PRPI-Maliana hodi haree direta kondisaun sira nune’e bele hadia iha futuru. Iha sorumutu ne’e Koordenadór PRPI-Maliana Dr. Nelson J. S. Magno, hato’o agradese ba atuál PJR tanba bele vizita ona edifísiu Maliana, Koordenadór ne’e hateten katak espera ho vizita ida ne’e bele fó benefísiu di’ak liutan mai PRPI-Maliana.
Nune’e iha Loron-18, fulan-Juñu, tinan-2025, Prokuradór Jerál Repúblika Dr. Nelson de Carvalho, hamutuk ho Koordenadór PRPI-Maliana Dr. Nelson J. S. Magno, hodi halo reuniaun ho parte relevante sira hanesan, Polísia Nasionál Timor-Leste Maliana, Unidade Polísia Marítima, Unidade Polísia Fronteira, Alfandega no Imigrasaun, iha reuniaun ne’e PJR rona mos preukupasaun sira husi parte relevante sira, konaba krime kontra bandu no krime sira seluk, ne’ebé mak lor-loron akontese, no buka solusaun oinsa mak parte relevante sira bele servisu ho di’ak tenke mantein liña koordenasaun no kooperasaun servisu di’ak liutan iha futuru. (Media-PJR)