Singapura-loron-10, fulan–Setembru, tinan-2025, Iha okaziaun Reuniaun Jerál ho Konferensia International ba Assosiaun Internasional Prokuradores ba dala 30, Prokuradór Jerál Repúblika (PJR) Timor-Leste Dr. Nelson de Carvalho, Adjuntu Prokuradór Jerál Repúblika Dr. Jacinto B. Soares ho ekipa, ho onra simu pedidu reuniaun bilaterál husi Prokuradór Jerál Repúblika Singapura Sua Eselensia Dr. Lucien Wong.
Objetivu husi reuniaun bilaterál ne’e parte instituisaun rua sei estabelese kooperasaun Protokolu, iha kooperasaun bilateral ne’e iha pontu importante tolu maka PJR Timor-Leste propoin iha reuniaun bilateral ne’e nian ba PJR Singapura maka hanesan,
- Troka informasaun relasiona ho lejislasaun, regulamentu, no sistema justisa kriminál;
- Fornesimentu asisténsia téknika iha dezenvolvimentu rekursu umanu, ho referénsia partikulár ba perísia Singapura nian iha investigasaun ba krime sibernétiku no área sira ne’ebé iha relasaun;
- Kooperasaun iha área sira seluk ne’ebé konsidera hanesan relevante ba malu hosi instituisaun rua ne’e.
iha reuniaun ne’e PJR singapura mos simu ita nia pedidu ba koopersaun ne’e ho agradese tanba primeiraves singapura husu TL hodi hala’o enkontru bilateralmente ho Prokuradór Jerál Repúblika Timor-Leste nian. (Media-PJR)