Dili- Planu Prokuradór-Jerál Repúblika (PJR), Dr. José da Costa Ximenes nian katak iha tinan-2019 sei harí Konstrusaun iha Lopalos no Dili-Colmera, tanba ne’e PJR propoin orsamentu Jerál Estadu (OJE) tinan 2019 ho montante U$ 4.526.382 mil ba rubrika saláriu no vensimentu ba Kapitál Menór no Kapitál Dezenvolvimentu, planu refere PJR hato’o ba komisaun revizaun orsamentu iha Ministériu Finansa Aitarak-Laran, kinta-feira (25/10/2019).
Aleinde rekruta tan Prokuradór foun nain lima, iha tinan oin sei promove Prokuradór Repúblika ho ofisiál justisa, “tinan oin sei promove Prokuradór Repúblika balun ne’ebé kompleta tinan-haat ba primeira klase no promove mós ofisiál justisa lubuk ida ne’ebé hetan progresaun eskalaun ida ba eskalaun seluk tanba ne’e impaktu ba salariu, ho ida ne’e husu ba governu atu aloka orsamentu ho montate U$ 975. 998 mil, inklui móps servisu extra-ordinariu no servisu tornu”, Dehan PJR ba jornalista sira hafoin remata aprezentasaun planu orsamentu nian ba komite revizaun orsamentu.
Iha item Bens no Servisu PJR hato’o, lahusu aumenta maibé nafatin kumpri pakote ho montante U$ 1.420.659 mill, ida ne’e nesesáriu ba MP atu bele halo jestaun to’o iha nivél Distritál sira hotu. Kapitál Menór, PJR husu ho rihun U$ 337.000 Ami husu tanba bainhira aumenta rekursus umanu tenke iha impaktu ba kapitál menór liuliu aumeta Prokuradór Repúblika no ofisiál justisa sira.
Iha biban ne’e mós PJR husu ba Governu aprova planu atu harí Prokuradoria Distritál ida iha Lautem-Lospalos atu bele hakbesik liu tan justisa ba komunidade, ida ne’e hanesan planu estratejíku setór justisa nian.
Aproveita biban ne’e mós PJR hato’o agradese ba governu, tanba governu apresia servisu MP nian hodi aprova planu adisonál sira ne’e.
Iha aprezentasaun revisaun ba orsamentu estadu ne’e, PJR ho nia ekipa sira mak hanesan, Eis Adjunta Prokuradór Jerál Repúblika, Xefe Gabinete, Diretora Jerál, Diretór Nasionál, Sekretária Konsellu no Xefe Departamentu sira, (Media MP).