𝐀𝐝𝐣𝐮𝐧𝐭𝐚-𝐏𝐉𝐑 𝐃𝐫𝐚. 𝐀𝐧𝐠𝐞𝐥𝐢𝐧𝐚 𝐒𝐚𝐢 𝐎𝐫𝐚𝐝𝐨𝐫𝐚 𝐏𝐫𝐢𝐧𝐬𝐢𝐩𝐚́𝐥 𝐢𝐡𝐚 𝐒𝐞𝐦𝐢𝐧𝐚́𝐫𝐢𝐮 𝐍𝐚𝐬𝐢𝐨𝐧𝐚́𝐥 𝐛𝐚 𝐌𝐚𝐣𝐢𝐬𝐭𝐫𝐚𝐝𝐮 𝐧𝐨 𝐅𝐮𝐧𝐬𝐢𝐨𝐧𝐚́𝐫𝐢𝐮 𝐌𝐉.

Dili, Loron-06, Fulan-Jullu, Tinan-2026, Adjunta Prokuradór Jerál Repúblika, (A-PJR), Dra. Angelina J. Saldanha, reprezenta Prokuradór Jerál Repúblika (PJR), Dr. Nelson de Carvalho, sai hanesan oradora prinsipál iha Semináriu Nasionál ba Majistradu no Funsionáriu sira Ministériu Justisa nian, Semináriu ne’e hala’o iha sala Auditorium Tribunál Judisiál Primeira Instánsia Dili.

Iha okaziaun ne’e, Adjunta-PJR aprezenta matéria kona-ba “Papel Ministériu Públiku iha Koordenasaun Artikulasaun Servisu Autór sira Justisa nian”, ne’ebé esplika knár estratéjiku Ministériu Públiku nian hodi hametin koordenasaun institusionál, promove artikulasaun servisu ne’ebé efetivu entre entidade sira iha setór justisa, no asegura implementasaun lei ho efisiénsia, transparénsia no responsabilidade.

Enkuantu Semináriu ne’e abertura husi Prezidenti Tribunál Rekursu (PTR), Dr. Afonso Carmona, no partisipa husi Vice Ministru ba Fortalesimentu Institusionál, Dr. Paulo Manuel da Silva dos Remédios, Sekretáriu Estadu ba Terras no Propriedades Eng. Jaime Xavier Lopes, Majistradu no Funsionáriu sira, no seminariu ne’e ensera husi Sua-Exélensia Prezidenti Repúblika, Dr. José Ramos Horta, akompaña husi Prezidenti Tribunál Rekursu, no Prokuradór Jerál Repúblika.