Dili, Loron-12, fulan-Setembru, tinan-2026, Adjuntu-Prokuradór Jerál Repúblika, Dr. Jacinto B. Soares, sai oradór prinsipál ba formandu sira husi Membru Kongregasaun Societas Verbi Divini (SVD). Formasaun ne’e foka liu ba tópiku “𝑨𝒈𝒓𝒆𝒔𝒂𝒖𝒏 𝑺𝒆𝒙𝒖𝒂́𝒍 𝒌𝒂 𝑽𝒊𝒐𝒍𝒆́𝒏𝒔𝒊𝒂 𝑺𝒆𝒙𝒖𝒂́𝒍 𝒏𝒐 𝑲𝒐𝒏𝒗𝒆𝒏𝒔𝒂𝒖𝒏 𝑲𝒐𝒏𝒂-𝒃𝒂 𝑫𝒊𝒓𝒆𝒊𝒕𝒖 𝑳𝒂𝒃𝒂𝒓𝒊𝒌 𝑺𝒊𝒓𝒂 𝒏𝒊𝒂𝒏”, Formasaun ne’e hala’o iha Rezidénsia Kongregaaun SVD nian iha Manleuana, no partisipa másimu husi Padre, Madre, Irmaun, Irmã, inklui membru sira husi Asosiasaun SOVERDIL.
Entretantu iha biban ne’e, Adjuntu-PJR Dr. Jacinto, nia aprezentasaun foka liu ba tópiku sira relasaun ho krime hanesan, 𝗔𝗯𝘂𝘇𝘂 𝗣𝗼𝗱𝗲́𝗿, 𝗜𝗻𝗲𝘅𝗽𝗲𝗿𝗶𝗲́𝗻𝘀𝗶𝗮 𝗻𝗼 𝗣𝗼𝘇𝗶𝘀𝗮𝘂𝗻 𝗦𝘂𝗽𝗲𝗿𝗶𝗼́𝗿, 𝗣𝗿𝗼𝘁𝗲𝗷𝗲 𝗟𝗮𝗯𝗮𝗿𝗶𝗸 𝗵𝘂𝘀𝗶 𝗘𝘅𝗽𝗹𝗼𝗿𝗮𝘀𝗮𝘂𝗻 𝗦𝗲𝘅𝘂𝗮́𝗹 𝗻𝗼 𝗡𝗼𝗿𝗺𝗮𝗹𝗶𝘇𝗮 𝗲𝗱𝘂𝗸𝗮𝘀𝗮𝘂𝗻 𝗻𝗼 𝗸𝗼𝗻𝘀𝗲𝗻𝘁𝗶𝘇𝗮𝘀𝗮𝘂𝗻, 𝗸𝗼𝗻𝗮-𝗯𝗮 𝗩𝗶𝗼𝗹𝗲́𝗻𝘀𝗶𝗮 𝗗𝗼𝗺𝗲́𝘀𝘁𝗶𝗸𝗮.
Nune’e formasaun refere foka liu ba kestaun fundamentál oinsá instituisaun kreda nian bele sai fatin ne’ebé seguru ba labarik no foin-sa’e sira husi ameasa agresaun sexuál no fó kbiit ba lider relijioju sira atu kumpriende Lei Timor-Leste no mós Konvensaun Internasionál sira kona-ba Protesaun Labarik.
Formasaun ne’e partisipa husi Sekretáriu Missaun SVD Pe. Wendelinus Jebatu,SVD, Prezidente SOVERDIL, atuál Adjunta-Prokuradór Jerál Repúblika, Dra. Angelina J. Saldanha, Madre sira husi Kongregasaun PRR, SSpS no Professór sira husi eskola katólika nian. (Média-PJR)