Vietam, Loron-25 to’o 27 Agostu 2026, Koordenadora Prokuradoria Repúblika Primeira Instánsia Dili (PRPID), Dra. Lídia Soares, hamutuk ho Prokurador Repúblika Dr. Matias Soares ne’ebé hala’o nia kna’ar iha Gabinete Sentral Kombate Korupsaun no Kriminalidade Organizada (GSKKKO), partisipa iha reuniaun plenária SEAJust tinan 2026, ne’ebé hala’o iha Da Nang, Vietnam, hodi responde ba karta konvite ne’ebé hato’o husi United Nations Office on Drugs and Crime ba Ministériu Públiku.
Delegasaun Timor-Leste partisipa iha SEAJust 6th Plenary Meeting, ne’ebé hala’o iha Da Nang, Vietnam, ho objetivu atu hametin kooperasaun judisiária iha matéria kriminál. Enkontru ne’e reúnia reprezentante husi Estadu Membru SEAJust, rede parseria no organizasaun internasionál sira.
Partisipasaun Timor-Leste iha SEAJust 6th Plenary Meeting importante atu kontinua hametin kooperasaun judisiária internasionál iha matéria kriminál, liuliu iha área MLA, extradisaun, krime sibernétiku, evidénsia eletrónika, krime finanseiru, lavagem osan no krime organizadu transnasionál.
Enkontru mós fó oportunidade ba Timor-Leste atu aprende no fahe esperiénsia ho nasaun sira seluk, hametin relasaun profisionál entre autoridade kompetente no uza mekanizmu SEAJust atu fasilita kooperasaun iha kazu kriminál transnasionál iha futuru. (Média-PJR).