𝐏𝐉𝐑 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐂𝐡𝐢𝐞𝐟 𝐋𝐞𝐠𝐚𝐥 𝐀𝐝𝐯𝐢𝐬𝐨𝐫𝐬 𝐅𝐨𝐫𝐮𝐦

Singapura, iha loron-26 no 27 fulan-Agostu tinan-2026. Prokuradór-Jerál Repúblika, Dr. Nelson de Carvalho, partisipa iha Chief Legal Advisors Forum.

Fórum ne’e halibur Chief Legal Advisors no reprezentante jurídiku senior husi governu no jurisdisaun sira iha mundu tomak, atu fahe esperiénsia, koñesimentu no pratika di’ak kona-ba rezolusaun disputa internasionál.

Ho disputa sira ne’ebé envolve Estadu sai liután kompleksu no diversifikadu, mekanizmu inovativu ba rezolusaun disputa no prosesu jurídiku ne’ebé dezenvolve hela sai importante liután hodi promove rezolusaun disputa ho maneira dame, justu no efetivu.

Fórum ne’e fornese plataforma nivel aas ba lider jurídiku sira atu diskute tendénsia no dezafiu foun, haforsa kooperasaun no fahe ideia no pratika di’ak iha área rezolusaun disputa internasionál.

Partisipasaun Prokuradoria-Jerál Repúblika Timor-Leste iha Fórum ne’e importante tebes atu haforsa kooperasaun jurídika internasionál, fahe esperiénsia no koñesimentu, no promove interese no pozisaun Timor-Leste iha área lei no rezolusaun disputa internasionál. (Média-PJR)