Dili – iha Segunda, loron-25,
fulan-Juñu, tinan-2019, Prokuradór-Jerál Repúblika Dr. José da Costa Ximenes,
ho Ekipa funsionariu MP nian, partisipa iha Abertura eventu Expozisaun
Bazar Baratu. Iha Centru
Covensaun Dili-Kaikoli (CCD).
Expozisaun ne’e Ministru
Justisa,
Manuel Cárceres
da Costa hala’o abertura ba Expozisaun ne’e dehan,
“Expozisaun ne’e importante tebtebes hodi halo reflesaun hodi valoriza Papel
estrateziku funsionariu públiku nian hodi servi hamutuk ho entidade sira no
lori povu ba moris prosperidade”.
Ministru
Justisa mós apela ba funsionariu públiku katak, atraves husi
atividade ida ne’e mai ita konsolida ita nia espíritu atu servi di’ak liután
ita nia povu no ita nia nasaun liu-liu husi knar ida ne’ebé loron-loron ita
hala’o, ho de’it ita nia espíritu unidade mak ita bele fó prestasaun di’ak ba
ita nia sidadaun sira halakon sira nia laran taridu, funsionariu sira mós tenki
konfortavel atu hakotu dezafiu sira iha instituisaun ne’ebé de’it.
Iha fatin hanesan, Prezidente Komisaun Funsaun
Públiku, Faustino Cardoso Gomes dehan,
Iha ambitu komenorasaun loron nasionál ba funsaun públiku ba
dala-5 ida ne’e, ho momentu sira ne’e funsionariu públiku tanto orden Demokratiku
no mós orden Burokratiku sai nudar oportunidade di’ak atu halo refresaun ho Objetivu
atu defini dia nasionál funsaun públiku
loron ida ne’ebé estadu atribui ho sentidu atu valoriza papel estrateziku
servidór públiku no funsionariu públiku sira iha abitu servi ba povu ba nasaun
ba estadu atu akompaña no lori povu ba iha moris prosperidade.
Iha expozisaun ne’e hetan Partisipasaun husi entidade
estadu sira hanesan Ministru Justisa, Prezidente Komisaun Funsaun Públiku, Prokuradór-Jerál Repúblika, Sekretáriu
Estadu Komunikasaun Sosiál, Komandante Munisipiu Dili, Provedoria Direitu
Umanus no Justisa, Defensor Públiku Jeral, CAC, PSIK, Prezidente Komisaun
Organizadora, Dirijente masimu Funsaun Públiku, Diretora Jerál MP, Diretór Rekursu Umanu, Diretór IT no Xefe departamentu, fila
liman sira. (Media
PGR)