Atabae-Loron-02, fulan- Dezembru, tinan- 2023 Adjunta Prokuradór Jerál-Repúblika Dra. Angelina Joanina Saldanha partilla Papél Ministériu Públiku (MP) nian ba mediadór no pontu vocal ba prevensaun konflitu komunitária iha Sentru Treinamentu 1° Sarjentu Aquilis da Silva Rairobo, Postu-Administrativu Atabae, Munisípiu Bobonaru.
“Imi nia servisu lao di’ak mak sei ajuda tebes servisu Polísia komunitáriu sira no MP nian iha parte represaun bele lao ho di’ak, tanba imi nia servisu ne’e todan tebes iha komunidade sira nia let, sei hasoru problema rai, problema arte marsiais, no problema oin-oin ne’ebé mosu, ita boot sira tenke servisu ho imparsiál, neutralidade, halo ita boot sira knár no missaun sira tuir regra ne’ebé ita boot sira simu”.
Aleinde ne’e, formandu sira mós hetan previléziu boot tanba bele hetan informasaun di’ak husi Adjunta-PJR, ne’ebé fahe nia esperiénsia no enkoraza nafatin atu implementa sira-nia koñesementu foun hamutuk ho autoridade lokál wainhira sira hala’o servisu iha baze.
Iha okaziaun ne’e formandu sira ne’ebé partisipa iha sesaun ne’e, ho entuziasmu tebes hodi halo pergunta, tanba sira ho harak atu buka hatene kle’an liutan kona-ba papél MP nian, hodi nune’e bele ajuda komunidade sira hodi hakbesik liután ba justisa, (Media PJR).