Dili-Tersa, loron-25, fulan-setembro, tinan-2023, Adjunta Prokuradór Jerál Repúblika, (APJR), Dra. Angelina Saldanha ho Dr. Rogeiro Viegas, partisipa iha diskusaun no evaluasaun kona-ba kombate krime Brankeamentu Kapitál no Finansiamentu Terorízmu ne’ebé organiza hosi Asia Pacific Group (APG) ho tema Money Laundering Mutual Evaluation of Timor-Leste.
Iha ambiente diskusaun ne’e, Adjunda-PJR no Prokuradór Repúblika, Dr. Rogeiro Viegas, fó hanoin katak “liga ba krime Brankeamentu kapitál depende ba keixa ne’ebé hato’o mai Ministériu Públiku (MP) no kona-ba krime grau fiskál ligadu ho krime brankeamentu kapitál no krime korrupsaun nian ligadu ho dekretu lei nú 17/2020, ne’ebé ko’alia kona-ba medida sira kombate korrupsaun nian”.
“Nune mos iha diskusaun refere Adjunta-PJR ho Prokuradór Repúblika ne’e esplika mós esperiénsia kona-ba ezekusaun kazu no investigasaun krime sira ligadu ho Money Lundering, ramta tiha esplikasaun APJR mós aprezenta dadus sira ne’ebé mak durante ne’e rejistu iha MP.
Objetivu prinsipál husi Diskusaun ne’e rasik atu fahe informasaun no hanoin kona-ba oinsá atu kombate krime brankeamentu kapitál no mós halo evaluasaun kona-ba rezultadu kazu brankeamentu kapitál iha Timor-Leste aleinde ne’e halo mós evaluasaun kona-ba servisu sira ligadu ho kombate krime nian.
Eventu Diskusaun ne’e realiza iha Salaun Nobre Ministériu Négosiu Estranjeiru no Kooperasaun (MANEC), Praia do Coceiros, (Media PJR).