Dili-Kinta, loron-28, fulan-Marsu tinan-2024 Adjuntu Prokuradór Jerál Repúblika Dr. Jacinto Babo Soares, ensera atividade Briefing husi Sekretáriadu ASEAN, ne’ebé maka hala’o iha Hotel Timor.
Atividade ba loron daruak nian ne’e Briefing husi Sekretáriadu ASEAN, konaba regra sira enkontru iha membru sira nasaun ASEAN nian.
APJR agredese ba Sekretáriadu ASEAN, bele fahe ona esperiensia iha parte legál nian, iha Briefing ida ne’e rekomendasaun barak ne’ebé mak iha, balun presiza desizsaun no buka dalan oinsá mak ita bele buka solusaun ba rekomendasaun hirak ne’e.
Nune’e mós APJR agradese ba Ministériu Negósiu Estranjeiru no Kooperasaun (MNEK), liuhusi kooperasaun di’ak hodi bele realiza atividade ida ne’e. (Media PJR)