Tailándia, Loron-6, fulan-Marsu, tinan-2024, Adjuntu Prokuradór Jerál Repúblika (APJR), Dr. Jacinto Babo Soares ho komitiva partisipa iha “ Reuniaun dahuluk Konsultativa konaba forma modelu dezenvolvimentu ba pedidu “Treaty on Mutual Legal Assistance in Criminal Matters (MLA ho ASEAN MLAT)”, ne’ebé organiza husi eskritóriu Nasoins Unidas konaba Droga no krime (UNODC) ho Gabinete Prokuradór Jerál Reinu Tailándia apoiu husi Sekretáriadu ASEAN nian mak realiza reuniaun ne’e iha Bangkok-Tailándia durante loron tolu.
Iha Reuniaun ne’e Ministériu Públiku Timor-Leste sai nu’udár observadór mak partisipa husi APJR Dr. Jacinto Babo Soares, Dra. Lidia Soares nu’udár Prokuradora Repúblika husi Gabinete Kombate Korupsaun no Krime Organizadu (GCCCO) no Afnan Bazher Ofisiál assuntu Relasoens Internacionais iha Gabinete Kooperasaun Judisiária Direitu Komparadu no Relasoens Internasionais (GKJDKRI).
Objetivu Prinsipál husi Reuniaun ne’e UNODC aprezenta dokumentus konaba dezenvolvimentu modelu pedidu MLA nian mak sei utiliza entre Países ASEAN husi Sekretáriadu ASEAN, oferese oportunidade hodi fó ideia, sujestaun, feedback mak konstrutivu, no proposiona konsulta entre Estadus Membrus ASEAN no Timor Leste.