Dili-Kinta, loron-21, fulan-Marsu, tinan-2022 Ajunta Prokuradór-Jerál Repúblika Dra. Remizia de Fátima da Silva hala’o enkontru ho observadór internasionál husi Uniaun Europeia hodi ko’alia kona-ba sira-nia observasaun durante kampaña to’o eleisaun prezidensiál iha loron 19/03/2022, iha salaun Prokuradoria-Jerál Repúblika Colmera Dili.
Tuir APJR Dra. Remiza de Fátima da Silva, informa katak objetivu husi enkontru ida-ne’e kona-ba durante sira-nia observasaun kampaaña ba to’o iha elisaun prezidente Repúblika nian , tanba durante sira hala’o observasaun iha Munisípiu 12 no RAEOA, mosu infraksaun ki’ik oan balun hanesan Munisípiu Baucau no Dili rasik ne’ebé akontese iha Fomentu kona-ba perturbasaun aktu eleitorál ne’ebé ho violensia no uza arma, no sira mós aprezenta deklarasaun preliminár kona-ba sira-nia observasaun durante ne’e. no sira mós husu krime eleitorál hira mak MP rejista ona durante kampaña to’o iha eleisaun prezidensiál nian.
APJR hato’o katak, Observadora internasionál ne’e hateten katak iha tinan ida-ne’e kandidatu mesak esensiál liuliu hanesan Prezidente Repúblika Dr. Fracisco Guteres Lú-Olo, Eis-Jenerál Lere Anan Timur no Eis-Presidente Repúblika Dr. José Ramos Horta, katak sira nain tolu ne’e hanesan figura ne’ebé koiñesidu, maibé durante kampaña sira ko’alia ataka malu maibé la iha konflitu ruma mak akontese.
Observadór internasionál mós husu ba APJR kona-ba polítika Ministériu Públiku nian durante kampañia eleitorál nian ne’e nu’udar Prokuradór-Jerál Repúblika iha planu ruma atu durante kampaña ne’e indika prokuradór ruma atu toma konta no haree liu-liu kona-ba krime eleitorál ne’e ka lae? tanba tuir lei eleitorál katak Ministériu Públiku nomea Prokuradór ida hodi bele hare kona-ba kazu hirak ne’e.
APJR hatan ba pergunta ne’e katak polítika Ministériu Públiku nian la indika Prokuradór apropriadu ida hodi toma konta krime eleitorál ne’e, maibe Ministeriu Públiku iha polítika rasik molok atu tama ba kampaña ne’e hahú ona iha formasaun hodi prepara majistradu hotu-hotu atu iha koñesimentu ne’ebe klean kona-ba krime eleitorál.
Observadór internasionál sira hateten tan katak, durante Kampaña to’o iha elisaun, partidu boot no partidu kiik balun envolve ema hosi arte marsiál sira laran, hanesan Partidu Khunto no sira seluk ka partidu balun tan, maibe sira la uza atu halo krime ruma, mezmu iha maibé la iha risku boot. (Media MP)