Dili, loron-14, fulan-Marsu, tinan-2024, Adjunta-Prokuradora Jerál Repúblika, (A-PJR), Dra. Angelina J. Saldanha, hamutuk ho Prokuradór repúblika, Dr. Rogério Viegas, partisipa iha konvokasaun reuniaun ba komisaun nasionál hodi implementa medida destinada ba kombate krime brankeamentu kapitais no finansiamentu terrórizmu. Diskusaun ne’e, hala’o iha sala reuniaun Ministériu Justisa.
Entretantu objetivu hosi enkontru ne’e, atu simu ekipa APG Grupu Anti Money Laundering Asia Pasific, ne’ebé sei halo on site visit iha Timor-Leste ligadu ba avaliasaun mutuál ba Timor-Leste tinan 5 nian hosi tinan- 2018 to’o 2023.
Iha intervensaun A-PJR hateten, relatóriu ne’ebé mak hato’o ona ba Asia/Pacific Group On Money Laundering (APG) no relasaun ho avaliasaun Ministériu Públiku (MP), fornese ona dadus hirak ne’ebé mak APG husu mai iha MP, mezmu sira husu pergunta barak, maibé tuir posibilidade ne’ebé mak iha, no MP rekoñese katak iha buat balun mak la konsege fornese hanesan iha dadus detalladamente, tanba kestaun MP menus iha rekursu umanu.