Dili, Loron-28, Fulan-Fevereiru, Tinan-2024, Adjuntu Prokuradór Jerál Repúblika (APJR) Dr. Jacinto Babo Soares, partisipa iha diskusaun kona-ba Projetu Lei No 3/VI (10)-Rejime Jurídiku no Exersísiu ba Direitu Petisaun, hamutuk ho Presidente Asuntu Parlamentár, Adjuntu Provedoria Direitu Umanu no Justisa (PDHJ) enkontru ne’e realiza iha Parlamentu Nasionál, Komisaun A ba asuntu Konstituisaun no Justica.
Iha intervensaun APJR hateten katak “Direitu hato’o petisaun ne’e nudár direitu ne’ebé mak estabelese ona iha konstituisaun liu-liu iha Artigu 48 ne’ebé ko’alia kona-ba direitu sira hanesan mós iha konstituisaun Modernu kuaze opta hotu direitu petisaun nian ne’e, nia mekanizmu mak ita tenke regula ho lei espesiál ida atu hato’o.
Nu’une mós APJR salienta liutan katak, kontiudu husi Projeitu ida ne’e atu hateten katak ita sei iha lei ida ne’ebé favorese atu exerse direitu petisaun nian, hodi estabelese regulamentu ida sem formaliza kualker ema individuál ka ema kolektivamente, no kona-ba kontiudu ida ne’e bele hare iha artigu 3, artigu 10, artigo 11, no artigu 12 sei halakon duvida sira, ida ne’e permite atu fiar katak direitu atu hato’o petisaun sei importante liu iha ita nia esperensia demokrasia.