DÍLI – Iha loron-22, fulan-Novembru, tinan-2019, Adjuntu Prokuradór-Jerál Repúblika Dr. Alfonso Lopez partisipa iha serimónia lansamentu pájina dijitál foun kona-ba Osan Povu nian, Jere ho di’ak,
ne’ebé realiza iha Sentru Kulturál Portuguesa, Embaixada Portugal.

Bainika hirak-ne’ebé partisipa iha lansamentu ida-ne’e mak embaixadór Portugal iha Timor-Leste José Pedro Machado Vieira, embaixadór Uniaun Europeia iha      Timor-Leste Andrew Jacobs no reprezentante Tribunál Rekursu, juiz konsilleiru Dr. Duarte Tilman Soares.

PFMO – C2 “OSAN POVU NIAN JERE HO DI’AK” hanesan projetu ne’ebé finansiadu hosi Uniaun Europeia ho Camões I.P – Institutu ho objetivu atu mellora dezenvolvimentu sustentavel iha Timor-Leste liuhusi prestasaun servisu públiku sira ne’ebé efikaz liután, intégradu, transparante, responsavel no orientada ba sidadaun sira iha liña Planu Estratéjiku Dezenvolvimentu tinan 2011-2030.

Embaixadór Uniaun Europeia iha Timor-Leste Andrew Jacobs hato’o diskursu katak jestaun finanseiru públikas ne’ebé efikaz importante liu ba dezenvolvimentu sustentável no ekitativu, no melloria finansas públikas iha Timor-Leste, nune’e, halo Uniaun Europeia implementa parte boot ida husi programa kooperasaun liuhusi apoiu orsamentál, no mós liuhusi fundus pagamentu diretamente husi orsamentu Governu nian hodi bele apoia implementasaun estratéjia sira husi setór oioin, inklui finansas públikas.

Iha lansamentu ne’e, Adjuntu Prokuradór-Jerál Repúblika Dr. Alfonso Lopez hato’o katak ninia importansia no vantajen husi PFMO ne’e mak hodi hametin varias institusionais, posibilita maior interasaun, no importante liu mak atu mantein apoiu husi parseriu internasionál sira no fortalese kapasidade operasionál téknika instituisaun sira nian. (Media/PJR)