Deng Haag – Timor-Leste nu’udar nasaun ki’ik no joven ida no, adere tiha ba Estatutu Roma ne’ebé kria Tribunál Penál Internasionál iha setembru 2002. Bainhira nu’udar Estadu Parte Tribunál Penál Internasionál, Timor-Leste partisipa tiha, liuhosi delegasaun ida ne’ebé xefia hosi S. Ex.ª Prokuradór-Jerál Repúblika, iha Asembleia da-ruanulu Estadu Parte sira Tribunál Penál Internasionál, ne’ebé hala’o ona iha Haia, Países Baixos, entre loron-6 no loron-11, fulan-dezembru 2021.
Durante Asembleia, Estadu Parte sira hetan tiha oportunidade atu analiza no debate aspetu hirak tuirmai ne’e: reafirmasaun ba nesesidade atu garante independénsia, integridade no kualidade ba desizaun sira tribunál nian, ezisténsia Prokuradór independente ida, importánsia ba kooperasaun ho tribunál no Gabinete Prokuradór hodi hala’o ninia atribuisaun sira, no mós insentiva Estadu Parte sira atu asina akordu kooperasaun ho tribunál atu fasilita la’ós de’it kooperasaun maibé mós ezekusaun ba desizaun hirak tribunál nian. Apela tiha mós ba Estadu Parte sira atu kontribui ba fundu apoiu vítima sira nian no ratifika tiha emenda hirak ne’ebé introdús iha Estatutu Roma.
S. Ex.ª Prokuradór-Jerál hetan tiha mós oportunidade iha sesaun iha loron-7, fulan-dezembru, atu intervein, hodi aprezenta komunikasaun ida, ne’ebé disponível iha website Estadu Parte sira no iha website PJR nian.