Prokuradór-Jerál Repúblika Timor-Leste, Dr. Alfonso Lopez ho komitiva ne’ebé simu tiha kredensiál husi MNEC, partisipa sesaun ba dala -ruanulu resin ida ba Asembleia Estadu Parte sira husi Estatutu Roma nian ne’ebé realiza hahú husi 5 to’o 10, fulan-Dezembru, tinan- 2022 iha World Forum Convention Center (WFCC), Churchillplein 10, The Hague (Den Haag), the Netherlands.
Abertura ofisiál ba Sesaun ba dala-ruanulu resin ida ne’e realiza iha sala King Willem-Alexander, iha World Forum Convention Center iha 5 Dezembru 2022.
Iha oportunidade ida-ne’e Prokuradór-Jerál Repúblika hetan oportunidade hodi hatoo nia diskursu iha forum ida-ne’e nian. Iha nia diskursu hato’o katak “ Vijézima primeira Asembleia Estadu Parte sira nian sai nu’udar marku úniku no istóriku ba Tribunál Penál Internasionál, tanba iha Asembleia ida-ne’e ita sei selebra nu’udar forma simbólika vijézimu aniversáriu hodi tama iha vigór Estatutu Roma ba Tribunál Penál Internasionál, úniku Tribunál ho karákter permanente no universál, katak liuhosi valór hirak ne’ebé reprezenta sai nu’udar fundamentál atu hala’o justisa internasionál”.
Iha fatin hanesan Prokuradór-Jerál Repúblika, reafirma katak Timor-Leste sai nu’udar defensór ba Tribunál Penál Internasionál, kompromete ho promosaun ba Estadu-de-Direitu, ho luta kontra impunidade responsável sira nian ba krime internasionál grave liu no a favór ba hala’o justisa no reparasaun ba vítima krime sira nian ne’ebé kruél liu kontra direitu internasionál. bele asesu Diskursu PJR nian, iha Tribunál Penál Internasionál-Tetum