Dili, Loron-01, fulan-Dezembru, tinan-2023, Prokuradór Repúblika Dr. Matias Soares, partisipa iha sensibilizasaun tráfiku umanu ne’ebé mak organiza husi, Judicial System Monitoring Program (JSMP), ida ne’e hanesan parte ida husi prevensaun nian kona-ba Tráfiku Umanu. Sensibilizasaun ne’e hala’o iha salaun auditorium UNTL Liceu.
Iha okaziaun ne’e Prokuradór hateten, Ministériu Públiku (MP), hala’o servisu hamutuk ho rede kooperasaun sira hodi buka tuir krime sira tráfiku umanu nian, mak hanesan bosok sosiadade ba servisu iha rai liur no fó osan ho montante ne’ebé boot no dala ruma lori ema ba servisu iha rai liur, maibé la trata nia ho kondisaun ne’ebé mak di’ak.
Prokuradór ne’e hatutan tan katak, krime hirak ne’e mak mosu mai hanaran krime kompleksu tebes, ba krime sira hanesan ne’e barak mai husi área remotas sira tanba ho hanoin ida atu hadi’a moris di’ak, tanba ne’e ita nia sosiadade sira ne’ebé falta informasaun ho nune’e mak sira monu ba lasu sira hanesan ne’e. Dalabarak vítima sira lasente tráfiku umanu tanba ejizénsia barak ne’ebé mak mai atu hadi’a ninia moris, nune’e vítima sira monu ba tráfiku umanu.(Media PGR)