Aileu, kuarta, loron-01, fulan-Jullu, tinan-2020, Adjuntu Prokuradór Jerál Repúblika Dr. Alfonso Lopez, partisipa iha diskusaun kona-ba Lei anti-koprupsaun ne’ebé mk oras nee sei pendente iha Parlamentu Nasionál.
Kontinuasaun debate Lei Anti-korrupsaun ho ninia kapitulu III no Artigo 64, ne’e prezide husi Prezidente komisaun A Parlamentu Nasionál.
Prezindente komisaun A ne’ebé trata asuntu justisa Joaquim do Santos, fo ninia apresiasaun ba kovidadu sira tanba iha vontade di’ak tebes bele mai partisipa iha Diskusaun kona-ba Lei Anti korrupsain ida-ne’e. Debate ida-ne’e atu hadi’a di’ak liután Lei Anti-Korrupsaun (LAC), nune’e bele kombate korrupsaun ne’ebé mak buras iha ita-nia rai laran.
Iha sori seluk PJR Dr. Alfonso Lopez hateten katak, diskusaun ne’e di’ak tebes, ita presiza lei ne’ebé di’ak hodi kombate korrupsaun ne’ebé mak agora dadaun buras iha ita-nia rai laran, no ida ne’e bele fasilita servisu judisiáriu sira liuliu iha parte investigasaun nian.
Durante loron tolu nia laran deputadu ho entidade relevante sira diskute projetu lei númeru 1/V/2019, Lei Anti Korrupsaun. No ikusmai konsege finaliza títulu I kona-ba Medidas Kombate Korrupsaun, Kapitulu II kona-ba rejime deklarasaun Bens no interese, ne’ebé iha sesaun VII ho nia artigu hamutuk 39.
Sira ne’ebé hola parte Iha diskusaun hanesan Adjuntu Prokurador Jeral Repúblika,Vise Ministru Justisa, Komisariu Kak, Adjuntu KAK nain-3, Providoria Direitus Humanu no Diretór PCIC, inklui mós Deputadu sira hanesan Prezidente Komisaun A. Joaquim do Santo (FRETELIN), fransisco Basconselho (PLP), Fransisco miranda Braco, (FRETELIN), Dario Madeira (FRETELIN), Fransisco Carlos Xavier (UDT-FM), Antonio Nobre Amaral (KHUNTO), Oscar de araujo (CNRT), Fransisco f. Dos Reis (CNRT), Carmelita Moniz (CNRT). (Media PJR)