Dili-tersa, loron-12, fulan-setembru, tinan-2023, Adjuntu Prokuradór Jerál Repúblika (APJR), Dr. Jacinto Babo Soares partisipa iha Workshop ne’ebé realiza hosi Provedoria Direitu Humanu no Justisa (PDHJ) kona-ba elaborasaun planu estratéjiku periodu 2024-2028, ho tema “hamutuk ita promove BOA Governasaun, respeitu no promove direitu umana hodi haburas justisa iha Timor-Leste”.
Iha Adjuntu-PJR nia intervensaun hateten katak, “kona-ba
estatutu lei internál ne’ebé mak iha planu atu implementa ba funsionáriu rejime jerál, maibé la aplika rejime espesiál ruma ba sira, entaun sei problema iha implementasaun tanba, estatutu rasik la fó seguransa di’ak ba funsionáriu sira, nune’e mós Adjuntu-PJR foti ezemplu sira balun kona-ba Funsionáriu sira ba halo monitorizasaun iha baze hodi foti dadus ruma kona-ba violasaun direitu umanu nian”.
Nia akresenta tan katak, estatutu tenke fó fatin no seguransa di’ak ba funsionáriu sira, dalaruma kompoténsia ne’e, bainhira hala’o servisu mak prejudika sira, tanba aktu públika ruma mak ema kontra sira, se mak atu loke prosesu hodi hasoru sira, tanba ne’e estatutu tenke garante no fó seguransa ba funsionáriu sira ne’ebé mak hala’o knaar iha rejime jerál.
Entretantu APJR hatete PDHJ hanesan orgaun Konstituisionál ne’ebé mak hanesan mós Komisaun Anti Korrupsaun (KAK) no Ministériu públiku (MP) sira mai ho nia estatutu no rejime rasik hodi regula sira nia traballadór sira, tanba ne’e atu hadi’a estatutu tenke tau kestaun seriu, hodi bele haree ba situasaun agora nune’e bele dezenvolve PDHJ di’ak liu tan iha futuru, (Media MP).